قصيدة كحيلان للشاعر حامد زيد

ياشعر تبقى في نظرهم كحيلان
وابنظرتي تسوى عيال الحمايل
حنا الثنين اخوان واكثر من اخوان
لو ماجتمعنا بالنسب والسلايل
لو نختلف باسماء وعروق والأوطان
يبقى التشابه بيننا بالخصايل
وانا ليامني نويت اكسب انسان
اسعاله بكل السبل والوسايل
اعرف كيف ارد الاحسان باحسان
وكيف احصد بذور الفضايل فضايل
عايش زمن عاصرت به كل الازمان
مااعيل بس انطح ثمانين عايل
اكسب عدو واحرق به قلوب عدوان
أشعل فتيلة بس اطفي فتايل
ان خفت ضعف اخاف من ضعف الايمان
وان عفت حمل اعاف حمل الجمايل
ما أضمى على الساحل ولو مت غرقان
لو مركبي تابوت والموج هايل
اغرق شهيد ارحم من اموت عطشان
طيحة شموخ ولا وقوف تمايل
ودك اليامن جيت في كل ميدان
لو منت الأول بالصفوف الأوايل
خلك اليا عودت خسران خسران
ينقال عنك عامل لك عمايل
لاصرت تحلم احلم تكون سلطان
وان جيت تقنع اقنع بحلم زايل
الوقت غربة وآخر الدرب عنوان
والعمر رحلة والتجارب رحايل
وانا كثر مالي من الناس خلان
الي صفولي بالشدايد قلايل
شايف حسد قل شايف اشكال وألوان
قابلت ظلم الا لقيت الهوايل
وان عشعش باقلبي من الغبن شيطان
واتسددت دوني جميع الوسايل
بالقى من عيال الحمايل كحيلان
الي يوفي عن اعيال الحمايل
مرات ربك يرزقك خوت انسان
واحد ويسوى في عيونك قبايل

قصيدة كحيلان للشاعر حامد زيد

صح لسانه
يعطيك العافيه لاهنت

قصيييدة رائعه
يستاهل ابوتركي
الله يوفقه
مشكوراخوي على الطرح الرائع
بنتظارجديدك بكل شوووق

مشكوووووور والله يعطيك الف عافيه

يعافيكم يارب...