تعال شوف الحل ...هنا

السلام عليكم ورحمة الله وبركاته


كيفكم اخباركم


بخش بالموضوع على طول


......




كـ العاده مباره الهلال والنصر الفائز مين بيكون <<<<لا تلعيق طبعا شى تعودنا عليه فى عهد كحيلان ...


تخبطات اداريه + لاعبين لايملكون خبره بالفعل بس خبره بالاسم لاكن لاتنفعك وسط المستطيل الاخضر

اداره اشبه بالجثثث الميته لاتسمع ولا ترا راى احد وكأن لها الخبره .. اذا لكم خبره كيف تتعادل مع نجران ويفوز عليك الفتح وتخسر من الزعيق بثلاثه مع العلم ان الزعيق مالعب بكامل نجومه ولا مستواه وكان مستو الهلال سيئ امس مرره لو كامل نجومه وكان الهلال فى احسن مستوياته توقعون تنتهى المباره 3 صفر او اكثر طبعا اكثر ربما توصل لخماسسيه بعد كحيلان


حراسه خالد راضى لا تعليق .......... اول مره اشوف حارس كوره قدم بحياتى من عرفت الكوره اكثر من 16 سنه معمرى شفت اى حارس عربى او غير عربى يعترف ان لاعب الخصم يتخصص بالضربات الثابته ومتفنن فيها من جاء الفاول للهلال بصمت بالعشره انها قول 100%99 فاصله اربعه لاحد يقول الشلهوب لاعب خبير اذا هو خبير عندنا خبره حسين خبره فى المشاكل وخبره فى الملاعب مفادنا عندنا مالك ماستفدنا منه شى فقط بالاسم موجود

بينو الله عليك كبير يابينو لاكن مالله كتب له حظ وتوفيق من فترات طويله مشفت لاعب نصراوى اجنبى او محلى يلعب بروح مثل بينو امس والهلال نقطه ضعفه التسديد على حراسه لاكن الله انقذ حارس الهلال شراحيلى اكثر من 3 او 4 كور محققه من بينو

ريان بلال يابن الحللا مابك جمال لاعب لايملك مقومات انك تقول هذا لاعب مع احترامنا الشخصى له لاحد يقول ريان وريان ريان عشر مباريات لا يظهر ومباره يظهر وش ابى في لاعب لايظهر غير فترات ويخفتى فترات ابى لاعب ظاهر بكل المباريات ما اطالبه يجيب اهداف بس اقل شى يكون له رهبه على الحراس ويعرف يستلم صح ويلعب صح


خالد راضى اللى تطالبون بخالد راضى ترا عبد العنزى انقذ النصر من هزيمه تاريخيه فى مباره الديربى اللى فى الاستاد صد لكم بلنتى وصد اكثر من كذا كوره محققه 100%100 خالد راضى ماخبر انه صد بلنتى العنزى احسن من خالد بمراحل كثيره لاكن اللى يعيب حراس النصر عدم التمركز الصحصح والاقامه قصيره والخروج الخاطى وهاذى يتحملها مدرب الحراس .... والحراس انفسهم



الحل لعوده فارس نجد لعوده روح العالمى النصر هو شى واحد



المقاطعه للمدرجات .. ومبارات التعاون القادمه مراح نفوز مع انى صار طموح الجمهور الحين يقولون ليتها تعدى اى مباره تعادل بدون خساره فرق صغيره هزمتنا وبعضها تعادلنا معها وبالعه تجيب هدف قاتل وبضربه حظ



قاطعو المدرجات واشوا انى مرحت مباره الهلال لان عارف انها زعيقيه شى تعودنا عليه لا جديد عليك يانصر لله دارك يانصر


رحمك الله يا عبد الرحمن بن سعود ال سعود

كنت رمز وهيبه كان فريقك يلعب بروح من اجل الشعار والوفاء لاكن الحين كلن يلعب فى فريقك من اجل الماده والمزاج ..




ارجو محد يجيى معصب وينتقد بدون مايقرا الموضوع لاحد يقول لى النصر قادم قادم .. ؟؟؟ قادم وانت خاسر اكثر من 3 مبارايات ومتعادل بكم مباره وقدامك مباره مع التعاون اقرب لها خساره ؟..





عبد الرحمن القحطانى يأ انه كبير بالسن او انه لاعب مل من النصر لاعب من لعبه يوضح له ان قلبه بالشرقيه ويبى يرجع واكبر دليل اعترافه فى احد الصحف وبعدها بـ 24 ساعه انكر ذالك ...؟؟؟؟؟؟؟؟ لاتعليق

دخوله امس مافادنا كثير





((( تحيه خاصه لــ كل ))

خالد الغامدى + عمر هوساوى + بينو

والباقيه تنسيق

تحياتى لكم