لاتعاتبني !!!!

لا تعاتبني ترى ماجيتك أسمع ه الملام ..!
جيت أصحّي شمسي اللي وسط قلبك غافيه .!



جيت لك .. والبرد فيني كم تراجف له عظام ؟؟
جيت لك .. و أدري يدينك مثل ما هي / دافيه



يا مواني فرحتي .. يا أول وآخر غرام ..
كل أنوار الأماني في غيابك طافيه ..!



و كل أحلام الثواني .. شوفتك قبل الهيام
يعلن اللي لك ب قلبي من أمورٍ خافيه ..!



طفلتك بعدك وحيده .. ضايعه وسط الزحام ..!
خايفه تسأل .. ولا تلقى إجابه شافيه ..!



تجلس ب ذاك المكان اللي حضنّا قبل عام ..!
وطيفك اللي ما ترك ][ أحلامها المتجافيه ][



مرّت الذكرى .. وخلّت قلبها يصبح حطام .!
والمواجع مرّته مثل الرياح السافيه ..



إنتثر دمع الزوايا .. يوم نادت للغمام
ليه يهجرني وأنا اللي من عرفته/ وآفيه ؟؟!




ليه يسمح للعواذل يفرحون ب هالخصام .؟
ليه عكرّ كل حاجه كانت أول صافيه ؟!!



و بعد مازاد العنا .. والبرد .. و ازداد الظلام ..!
جات تهمس : غيبتك واللي خلقني كافيه ..!!



ماتشوف إن غيبتك ماخلّت ب عيني كلام ..!
ماتشوف إن السهر .. ماخلى فيني عافيه ..!



ضمني مادام جيتك .. خلني ب قلبك أنام ..!!
ولا اسألتك الشمس/عني قل : تراها غافيه ..!

مماراق لي ....

شكرا لك على النقل ولاهنت

اشكرك اخوي عاشق ع الابيات الراائعه
يعافيك ربي

ابيــــــات رااائعه

راااقت لي ,,دومت ودااام جديدك


يعطييك العااافيه ..لااهنت

الف شكر ع الإنتقاء المميز ،،،