لا تشتكي حالك على كل من جاك ....

لا تشتكي حالك على كل من جاك

بعض البشر يفرح الى قلت مهموم

يخفي سمومه بين همك وشكـواك

يشمت بحالك والحصيله شقا ولوم

واحذر من اللي ينقل الهرج لعداك

يظهر لك الطيب وهو منه معـدوم

قلبه مريض ويخلط السم بـدواك

يعرض عليك الرأي والرأي مسموم

وابعد عن اللي يستغلك الى جـاك

تلقاه دايم بين الأخيار مذمـوم

احسب حسابك في كلامك ومعناك

وسط المجالس كل ما ادليت بعلوم

خل سمعك اكثر من كلامك وفتواك

تلقى القدر يمك من الناس ملـزوم

ولا تذكر افعالك بما تجود يمنـاك

عنك الولي يدري ولك الخير مقسوم

وخلك مع اللي يشتكي لك وينخاك

بك ينتخي من ضيم الأيام وهموم

خذها وصايا تسعـدك دوم دنيـاك

واحفظ معانيها تحفظك من اللـوم

~ مما راق لي ~

ورآق لـي بـعد .

يـعطييك العآفـيييه .

سلمت يمناك يالغلا
اهنيك عالطرح الراقي
راقت لي

منوورين متصفحي حبايبي

لاخلا ولاعدم

وصايا جدا مهمه الف شكر لك اختي على النقل ولا خلا ولاعدم...

ااابيااااات راااائعه

وانتقاء رااااقي ومميـــز .. دلوعة ابوها

لاعدمنا جديدك

كلمات جدآ راائعه ومعبرهـ صح لسانك يالغلا
عوافي حبيبتي

ابيات رائعه
يعطيك العافيه
تسلم اناملك على الطرح الجميل
لك ودي واحترامي

منوورين متصفحي حبايبي