ماعلموك بغيبتك وش جرالي ؟؟؟؟؟؟؟؟؟

ما علموك بغيبتـك وش جرالـي؟
حتى ( الخبل ) لا شافني قال عـزاه

مافيه شـيٍ موحـشٍ مـا طرالـي
ولا فيه ضيـق الا تعانقـت ويـاه



هذا مداه وضاق صـدر الشمالـي
تقولليّ وش جاه؟ واقول وش جاه؟!


عزيـز قـوم وبهذلَتْـه الليـالـي
كبا. به حصانه وخانت به خطـاه


شف حالتي والصبر ما سـرّ حالـي
بين اصدق الاحساس واللأ مبـالاه


تعبت اقول ان ( الامل ) راس مالي
واشوف ثوب الصبر ينشق وارفـاه


(الياس) حِمله فاق كـل احتمالـي
نوب اتعثر بـه ونـوب اتخطـراه


يرسم على وجهي ملامـح ظلالـي
واحاول ارسـم بسمتـي واتحـداه


ضميان والعـد القـراح الزلالـي
كبدي تبي قربه ونفسـي تحاشـاه


طاح الدلو . والسانيـه . والحبالـي
وانا على جاله ولاذقت مـن مـاه


والحاجه اللي في نفـوس الرجالـي
اكثر حراها تخلف الرجـل مبـداه


كلمه تقـال وكلمـةِ مـا تقالـي
ما كل ما فالصدر للنـاس تقـراه


لو شلت ما شالت ظهور الجمالـي
لاطحت . ماقالوا عسى الله ياقـاه


يا علّ مـا لمنقّـل الهـرج وآلـي
وابليس ياويلـه مـن الله ويـلاه


لكن بعد ما صار ما زلـت غالـي
)مثل السقيم اللي حمـل داه بـرداه)


ان جيت يبقـى منزلـك بالعوالـي
عرشك على حطت يدك ماحدِ جاه


وان رحت .. امي جايبتنـي لحالـي
الحب عايش بـه وعايـش بليـاه

مماراق لي ..

وان رحت .. امي جايبتنـي لحالـي
الحب عايش بـه وعايـش بليـاه


الله جداً راائعه ابيات منقوووله راائعه منك ياخوي
لاهنت

نص قمة الروعه
سلمت اناملك ع هيك طرح
لاعدمناك
ودي لروحك

قصيده جميله ولاارووووع لاهنت اخوي...

نقل في غاااية الروعه الف شكر لك اخي والله لايحرمنا من ذوقك الجمييل..