لا والذي صورك

لا والذي صورك ما لا ق للعين
غيرك ولا سوى بي أحد سواتك
أنت الذي حطيت بالجوف رمحين
رمح العيون ورمح وردي شفاتك
وأنت الذي زينت يا غاية الزين
حياتي اللي نورها من حياتك
أحب فيك الحب يا جامع أثنين
الزين وطبوعٍ تكمل حلاتك
أحب فيك العطف واللطف واللين
وأحب فيك رضاك عقب زعلاتك
وأحب هاك الجيد بين الجديلين
وأحب ما تخفيه طرقة غطاتك
يا جارح المجروح لا تودع البين
يقضي علي بغيبتك وسفراتك
خالد الفيصل

خربها خالد الفيصل ههههههههههههههه

صح لسانه وتسلم على الذائقه الحلوه

يسلم ايديك ويعطيك العافيه

واو روعه ماشاء الله شكرا مشرفي المبدع

ابيات رائعه
يعطيك العافيه اخوي جوجل ع الاختيار
لاهنت

هههه اما خربها خربها الشيبه صح الله لسانه ولاهنت على النقل...

يعطيكم الف عافية على المرور الجميل
تحياتي لكم

جوجل
الله يبارك فيك انتقاء ولااروع لابيات
شعريه تلامس
الوجدان
ضامي بطوله