يابحر .. فيني من الحزن .. كثر مافيك ..

يابحر .. فيني من الحزن .. كثر مافيك ..
من حزن .. وأوجاع .. وغياب .. وغرايب !!




لاتلومني إليا شفتني .. دايم أجيك ..
ولاشفتني دايم .. على الشط .. ذايب !!



حزني كبير .. أكبر من حدود .. شاطيك ..
وأقسى من جروح الزمان .. العطايب !!



وإن كان تنشدني فأنا .. مقدر أخفيك ..
دايم اظن .. ويطلع .. الظن .. خايب !!



في هالزمن .. أقرب حبايبك .. يشقيك ..
إلين تدفع في غلاه .. الضرايب !!



من بعد هذا .. يبتعد .. عنك .. ويجفيك ..
ماكنه .. بجنبك .. قضى الوقت .. طايب !!



وإلا .. الخوي الي توقعت .. يفديك ..
يفديك عمره .. لاغدت بك .. نشايب !!



صد .. وتصد .. مايبي .. سمع .. طاريك ..
وياما .. أنت .. دونه .. أتعبتك .. الطلايب !!



لاتقول لي .. بدري .. وتوك .. ويمديك ..
وتعال .. وأسمع باقي الهرج .. صايب !!



خلك بحالك .. وأطلب الرب .. يهديك ..
ولاتنشد الي غاب .. وين أنت .. غايب ؟؟



وإن شفتني غايب .. عن حدود .. شاطيك ..
أعرف تراني .. تحت .. ذيك .. النصايب !!



وأعرف تراني .. دايم إن ضقت .. بآجيك ..
لأني .. أنا .. والموج .. صرنا .. حبايب

ابيااات رائعه سلمت اناملك على النقل لاهنتي

مشكــــــوره يالغلااا على الابيات الراائعه

يســـــــلم ذوقك ..ولاعدمنا جديدك

وأعرف تراني .. دايم إن ضقت .. بآجيك ..
لأني .. أنا .. والموج .. صرنا .. حبايب
الله الله عليك ولا انتقاءك الروعه الف شكر لك اختي دمي اصفر على النص الجميل والله لا يهينك....

طرح رائع
يعطيك الف عافيه يالغلا
على الطرح الرائع
نتتظرجديدك بكل شوووق

كلماااات رائعه
سلمت اناملك ع هيك طرح
لاعدمنا جديدك
ودي لروحك

الله يعطيك العافيه ,, قصيده جميله .. صح لسان قايلها