خضراء الدمن لاتنخدع في زهرها

يمناي شرهه ما تعكَّز بميهاف
عصاً رديّه كل حملٍ كسرها
والعين طوع القلب والقلب شواف
وماكلِّ زين العين يلفت نظرها
واسلوم أهلنا ما تركناوآلآعرآف
شيباننا للدِّين ربِّي..فطرها
للجود داري كل رجل له اوصاف
والبيض يفرق نجمهاعن قمرها
ماحب انااللي بين الاسواق وقّاف
اللي على الاجنآب تلفت نظرها
عرق الردى.غصنه مردّه للإتلاف
وخضرآالدمن لاتنخدع في زهرها
لوتجذبك بالوآنها زين الآطياف
كم جاهل ضاعت حياته بأثرها
عرّب عيالك عن هزيلات آلاسفاف
واترك لعافيظ الحصاني إل جعرها
دوّر حليله من كريمات الآسلآف
من لابةٍ عذب المشارب نهرها
بنت الذي للحق صارم وسياف
حرّ على الطولات روحه جبرها
بنت عريبٍ ساسها نسل الاشراف
شريدة الفرسان جزل.ن.نحرها
فلوة شجاعاًماضرت كل عساف
وماكلّ هيسٍ لو تميلح ’ قدرها
بنت.ن وفيّه.للقرابات ميلاف
وعن الردا والشين ربيّ سترها
لهابعلوُّ,المجد مسكن ومشراف
يوم الشّرف عزّالاصيله فخرها
فيها جمال الروح بالعقل ينشاف
ذاك الجمال اللي يطاول دهرها
قلبٍ عطوف وصادق الودشفاف
دانة بحرْ اصل الدرر من بحرها
الجيد وافي عزَّل الوسط بارداف
والزين ماخلّت وبقّت صورها
بيضاعفيفه والحلايا لهااوصاف
قمر وكنّ الليل يشبه شعرها
ومن الأدب والذوق فيهاوالالطاف
واليآحكت كن العسل من ثغرها
هذا الذي تستاهل ديون واسلاف
ماهي خسارة لوتصاعب مهرها
وصلوا عدد من حج للبيت طواف
على نبيٍّ.ن,,للشريعه شهرها

.........
راق لي جدا
ابيات لـ فهد بن زيد

روووووووووووووووعه

تواجـدك الاروع بارك الله فيك