بلاني وانا توي صغير...

ياوجودي والتوجاد ما يغني الفقير
ولو توجد باقي العمر ما شاف الغناه
وجد عودٍ يدعي الله فالثلث الاخير
يرجع ابنه دام عاده على قيد الحياه
من سبايب من بلاني وانا توي صغير
ما بعد شافت عيوني شبيهه في حلاه
ان نشدته عن ظروفه يقول انا بخير
اتوقئ بالستر واتمنى بالغناه
وان طلبته وصل كني على روحه مغير
ما لقينا من اعذاره طريق ولا اتجاه
حفيت اقدامي للاماه من كثر المسير
وهو اعذاره مشغلتني مشاغيل الحياه
مرت الدنيا كذا ياعسى المقسوم خير
هو يشح الوصل وانا اتمنى من عطاه
راح من عمر الهقاوي وقدني ذا كبير
ولا ملكت الا التحيه وداعة من لقاه
.....................………………


وسلامتكم...

الله يعطيك العافيه شاعرنا ولاهنت ماشاء الله للابيات اشكرك
انتظر جديدك الراائع
ودي,

تسلم يمين منهو على الذووق رباااك ... ودي اقيم بسسس ... سمعااات ..

نصراوي العصر
قصيدة جميلة جدا صح لسانك وعلا شانك
تحياتي لك
اخوك جوجل

الله الله الله نصراوي العصر ابداع
صح منطوووقك
قصيده جزله ومميزه
وشاعر كبير ومميز
ننتظر جديدك المميز

صح الله ابدانكم جمييع ومروركم بحد ذاته شرف لي ولا خلا ولاعدم..

صح لسانك أخوي نصراوي العصر
أبيات جميلة من شاعر يستحق كل الاحترام و التقدير
أعتذر عن التأخر بالرد
تستحق الوسام بكل جدارة
لا تحرمنا ^_^
لا هنت

الف شكر لك مشرفنا على المرور والاطراء المميز ولاهنت..

ياوجودي والتوجاد ما يغني الفقير
ولو توجد باقي العمر ما شاف الغناه
وجد عودٍ يدعي الله فالثلث الاخير
يرجع ابنه دام عاده على قيد الحياه

ابيـــــــــــــات رااائعه

صحح لسآآآآنكك مبدعنااا

بشغف لجديدك ..

لاعدمناااااك

راااائعه جدا صح لسانك يا شاعرنا
اعتذر على التواجد المتاخر في القسم فاتني الكثير للامانه
ابدعت يسلموو