قصيـدة ٍ مـن واحـد ٍ كــان يبغـيـك

الله يجـازي مــن يـسـوّي سـواتـك
وبذنوب مـن سـوّى سواتـك يجازيـك

مشيـت درب الثقـل وتـحـب ذاتــك
مـاتـدري انــه للمهـالـك يـوديـك؟

وغـرّك جمالك...يـا خسـارة حـلاتـك
ماتـدري ان ماغيـر طبعـك يحلـيـك؟

بتـقـول زيـنـك يشـفـع لسيئـاتـك
الحسن ماهو عـن وفـا الحـب يعفيـك

لـو التواضـع والوفـا مــن سمـاتـك
بعـت الحبايـب كلهـم ..دين..واشريـك

لكـن عجـزت اغيـرك ..يـا جـراتـك
على الغيـاب اللـي بـلا عـذر ينجيـك



خطاي....فـي توضيـح وشـي غلاتـك
وخطاك....فـي توضيـح وشـو تغليـك

ؤشلـون توصينـي وتنسـى وصـاتـك
وتصـد عـن صـوت ٍ تقطّـع ينـاديـك

مـافـاتـك التجريح...والعـذر..فـاتـك
وتبغي رضاي الحيـن!! ماعـاد يمديـك

صحيـح احبـك .. بـس هـذي جزاتـك
باعلـمـك درس ٍ يفـيـدك ويحـيـيـك

تدري وش ابيض من خفوقك؟؟...عباتـك
وتدري وش اللي غرني؟؟...نظرتي فيـك

ادري بتستغرب..تـصّـبـر وجـاتــك
قصيـدة ٍ مـن واحـد ٍ كــان يبغـيـك

وتبغـي تناظـر وانـت عايـش مماتـك
شف وحدتـك والنـاس تجلـس حواليـك

وتبغي تشوف اشجع رجـل فـي حياتـك
شفني......وانا راحل...على كثر ما اغليك

ابيات جميله جدا اشكرك خيو المبدع

مشكووووووووووووووووووووووووووووووووره على ردك تواجدك دائما

ابيات رائعه
يعطيك العافيه ع الاختيار
لاهنت

مشكووووووووووووووووووووووووووووووووره على ردك تواجدك دائما

ابيات شعريه ممتلئيه بالعتاب واللوم
صورها الشاعر بأسلوب تعبيري
بالغ الجمال
الف شكر ايه الانيق
ضامي بطوله

تسلم يا غالى نورت موضوع