القلب قلبك والمشاعر مشاعرك‎

القلب قلبك .. والمشاعر مشاعرك
اجرح وعذب يا حبيبي حلالك

غالي ولوتخطي على القلب عاذرك
سو الذي يرضيك واللي في بالك

خابرني ميت في غرامك.. وخابرك
تموت في حب التملك .. وانا لك

ان كنت صاحي مع خيالك اسامرك
وان نمت في حلمي يجيني خيالك

يعني على كيفك وذوقك وخاطرك
اجيك انا كلي ... وكلي فدالك

اموت في غيضك وعقدة نواظرك
واموت في صدك واموت بوصالك

واموت في همسك ليا جيت احاورك
وفي دهشتك .. لاقلت ادور بدالك

واموت لاشع الضيا بأجمل صورك
واغيب معها .. وألتهي في جمالك

وتقول وش رايك؟ واقرب واشاورك
انت الله اعلم وش نهاية دلالك

وتضحك وتفرج بالسعاده سرايرك
وانا على ضحكة شفايفك.. هالك

ذوبتني مابين ملحك . . وسكرك
واهديتني قلبك..وروحك..وحالك

أقدر جهودك في حبي .. وأقدرك
وأسكنك بين الحنايا .. لحالك

ومني جزيل الشكر والقلب يشكرك
على سموك يالغضي .. وإكتمالك

سبحان من كمل وصوفك وصورك
وخلا مجالي يندمج في مجالك

إن غبت عني قمت اهوجس وادورك
وأنشد عن ديارك .. واجي وآعنالك

وإن جيتني برضاك .. ماجيت مجبرك
يا مرحبا ... والقلب فز ودعالك

بس انت تكفى دامني صرت رهن امرك..
إن غاب زولك .. لا يغيييب إتصالك

الف شكر على القصييده

يعطيك العافيه غلاتي
ع الابيات لآهنتي
بإنتظار جديدك الحلو

الف الف شكر لك على النص الروعه والله لا يحرمنا جديدك....

تقبلي إطلالتي

ابيات رائعه
يعطيك الف عافيه يالغلا
على الطرح الرائع
نتتظرجديدك بكل شوووق

مشكوووووور والله يعطيك الف عافيه

تسلمين ياعمري يعطيك الف عافية

نورتو الصفحه الله لايحرمني منكم