حبيبتي تشرب على الريق ببسي

حبيبتي تشرب على الريـق ببسـي
واليا تعشّت ماكلـت غيـر كتكـات

حبيبتي حطّت علـى العيـن ورْسـي
وماتلبس الا من جديـد الموديـلات

نحيفة(ن) عـن كـل عـذرا تنّسـي
في حسنها قـد كلْبشتْنـي كلبشـات

احبهـا بـس الـعـرب ماتحـسّـي
والله يعيـن المبتلـي بالطـويـلات

ياونتّـي ونّـات ســوّاق تكـسـي
زل النهـار وماحصـل لـه ريـالات

والا مريض(ن) علّتـه شـي نفسـي
مافاد بـه كـي العـرب والقـراءات

لاشفتها كنّـي مصـاب(ن) بمسّـي
مثل المهبّل قمـت اقطّـع إشـارات

وليا حكت كنّي من النـاس خرسـي
أطرش .. خرس .. لو دوّسنّه تريلات

فيها حلا الأسبان وعطـر الفرنسـي
وفيها دلـع لبنـان وعـز الإمــــــــارات

حلوه مثل طعم الكـرز والجالكسـي
مخلوط بالسكّر معه خمـس تمـرات

لاقلت : شكراً ، قالت البنت : مرسي
بنت الأفندي ناظـرت لـي بغمـزات

يجلدني الاستـاذ لااهملـت درسـي
مايـدري أنـي واقـع(ن) بالبنيّـات

ابكي واقول ان البلا كـان ضرسـي
يااستـاذ تكفـى لاتنقّـص علامـات

انا وقعت اليوم مـن فـوق كرسـي
ولاحصل لي مـن حبيبـي زيـارات

قالت: أنا ليلى ، وبسمّيـك : قيسـي
عطني شعر واعطيك ضحكه وبسمات

قالت: تجي لابـوي ثـمّ(ن) تمسّـي
بس المهر تاقـف عليّـا خفـارات!

قلت: اسمحي لي واعلني بـالmbc
تلقيـن غيـري يابنيّـــه حـثـــــــالات

يشهد على ماقـول بيتـر وعبسـي
ونحّول ونامق بالرسـم والحراكـات

اليا حضرتوا يالربـع يـوم عرسـي
عانيّتـي منكـم كراتيـن كتـكـات

مشكوووووور والله يعطيك الف عافيه

اليا حضرتوا يالربـع يـوم عرسـي
عانيّتـي منكـم كراتيـن كتـكـات

ابياات رائعه
يسلم دياتك
دمت بخير

ههههه والله قصيده ممتازه ومضحكه
وصح لسانك...