[ يمّه كبرت ولآ يخوفني آلذيب ] ../~

من قبل لاتاصل وصل قبلها الطيب
............ لاجيت اقبـّل راسهـا .. ريـح حنـّا


الحب نارٍ فـوق روس المراقيـب
........... واللي يعدي الضلع ماخـاب ظنـّه


حبي لهـا مافيـه شـكٍ ولا ريـب
............ كنّه ورى عـوج المحاديـب كنـّه


ماهو هوى اللي في جحور السراديب
.............. واليـوم الآخـر لـو يقفـي نسنـّه


مهما كبرت ولآح في عارضي شيب
................. في عينهـا طفـلٍ صغيـرٍ تحنـّه


امي هواها بيـن ذيـك المحاديـب
............... من تحت رجليهـا والأقـدام جنـّه


يازين لاقالت وهي عنـي اتغيـب
............. ياريحة أمي ريحتـه .. غبـت عنـّه


لاصار بي شيٍ لـو انـه أكاذيـب
............... قامت تجـر مـن المعاليـق ونـّه


يومي صغير ولاعرفت المواجيـب
................ يوم اقصرانا بنـت الأجـواد بنـّه


لآجيت ابطلع قلدت عويـت الذيـب!
................ قالت تـرى بـرا يعضـك بسنـّه!


ولآجيتها بريح الحطب والمحاطيـب
................ ريح الحطب بالثوب قامـت تكنـّه


ياجعـل يفداهـا بنـاتٍ رعابيـب
............... واللـي يبيهـن .. يومهـن مايبـنـّه


ماقصرت ربت رجـالٍ اصاعيـب
................. صغيرهـم شقـح العـذارى .. نخنـّه


ابوي مات اللـي يحـل المناشيـب
................ يومه على رجله وانـا جيـت منـّه


قلته وانا من راس قـومٍ مجاذيـب
............... سيفٍ لنا في وجـه الأعـداء.. نسنـّه


يمـه كبـرت ولا يخوّفنـي الذيـب
............ هالحين انا ذيـبٍ ولـي نفـس سنـّه!!

رآآآقت لي ..

راق لي ماراق لك اشكرك يالغلا حلآتي
ع الابيات الحلوة لآهنتي

راااااااااائعة بما تحمله الكلمة من معنا وجماااال شكرا على النقل ..

راقت لي والله يعطيك العافيه

ابيات رائعه
يعطيك العافيه يالغلا

الله الله الله فعلا انها قصيدة تستحق الاطراء والتقييم... الف شكر لك على الذائقه الجميله ولاهنت...

شكرا لمروركم الغالي
ماننحرم من طلتكم وتواجدكم
اسعدني كل حرف كان منكم
نورتوا المكان بطلتكم
لكم حبي