حبيت اوضح كل شخص . . وقـدره !

ثمّن كلامـك فاتحـن فمـك .. مسـرور
واحشم مكانك . . منت قاعد بسكـره !!

ماينجبر كـسرك . . ولـو كنـت مجبـور
كـسر الجبر أهون من اصلاح . . كـسره !!

وجبر الكـسير احيان . . بيديـن دكتـور
وكـسر الجبير احيان . . باسباب جبره !!!

ياصاحبي والشعر . . جائـز ومحظـور
حتى المجاز احيان . . يجبرك حظـره !!

ولاجت قصيدتها . . تتالو على الـدور!!
شخصن يهني . . وشخص بالغ بشكـره

مثل القماش اللي ( تطارحبه ) الثـور
والثور هايج . . وانت ثورن من أسره !!

بعض البشر . . يرفع مقامه عن البـور
والبعض الآخر . . هو من ايحط قدره !!

و شخص( ن ) يجرك من غلا حرف . . مجرور
و شخص ( ن ) على الويلات . . يكـسرك جره!!

و شخص ( ن ) تعادل غيبته .. حشمة احضور
و شخص ( ن ) حضوره ماوزن ربع . . ذرّه!!

أكبر قهر لاا من تبسّمت . . مقهـوووور!!
إكظم قَهَرْك . . وخل ضحكك .. لقهره !!

و اللي يبي الطولات . . لاشـك ماجـور
و الا الحقير ادري بنفسه . . اتحقـره !!

و ادري العيون الحور . . تفرق عن العور
مثل الغنـي يومـه يقـارن . . بفقـره

ماقول يا شعري و انـا صـرت مشهـور
هذي الفرايـد جتـك ي الشيـخ !! زفـره

شاورتهـا قالـت : خفايـف و لا اتثـور
و هذي غلاهاا . . مثـل خيطـن بمكـره

مسرح رجولة شخصـك اليـوم بالـدور
إخراجها فاشل . . و انا ابصم بعشـره !!

مشكور!!؟ . . إي والله .. من قلب مشكور
ماطاح رجالـن مـن العيـن حسـره!!

و الا الخبل . . مايستره لبـس مستـور!!
الشـق واضـح لـو تغطـى بستـره !!

و التربيـه ماهـي قلـم خـط و سطـور
و اللي ربا ب اقـذار . . طينتـه قـذره !!

شخص ( ن ) توده . . قبل ينطق على الفـور
و شخص ( ن ) من اول كلمتينن . . تخسـره

بعض البشر . . قدره كما وزن عصفور!!
و البعض بحرن و الكرم . . مـوج بحـره

يلزم تكون ف بعض الاحيان . . مغـرور
لأن الغرور بحضرة اللآش . . حقـره !!

ماهمنـي طـرد الغوانـي مـع الحـور
أنا اهتمامي صعب توصـل لحصـره !!

و الا انت ياجاهل . . مسامـح و معـذور
من كلمتـن و الدافـع اشـره .. و أشـره

هذي القوافي جتك ياالشيـخ .. بالـدور
و اعرف بداية كل بركـان .. جمـره !!!!

صحيح انا مانـي علـى الـرد مجبـور
حبيت اوضح كل شخصن . . وقـدره !!!

..

راقَ لي

ابيات جمييله
الف شكر #

اشكرك للتواجد ولاهنتي

ابيـــــــــــــات رااائعه

يعطييك العااافيه ي الغلاا ع الانتقاء المميز

لاهنتي..

مرورك الاروع اشكرك يالغلا
يعافيك يارب

أكبر قهر لاا من تبسّمت . . مقهـوووور!!
إكظم قَهَرْك . . وخل ضحكك .. لقهره !!

ابيات رائعه متميزة كالعاده في طرحك
تحياتي لك
جوجل

رد قاسي الله يكفينا الشر ولكن القصيده رائعه والف شكر لك على النقل...

شكرا للتواجد جميع

أبيات جميلة و رائعة منك روحي العالمي
تستاهلين الوسام
ألف شكر

الله يعطيك العافيه يامشرفنا منور حيل اشكرك