خلاص والله خلاص

وش المطلوب من جماهير النصر
شي محبط اللي صار في جدة مساء البارحة

فريق قليل حيلة
ولاعبين اسوء مايكون

انهزامية من قبل بداية المباراة
اهتمام واضح باللوك .... وبس
علشان الصورة في المنتديات والتواقيع تطلع حلوة

حديث العهد بكرة القدم يعرف مشكلة النصر
وجمهور من الفنيين آثروا التفرجة على تبايان المشكلة

كثير من الحكي في صدري
وقافلة من الملاحظات ما أعرف كيف توصل لقادة الفريق الكحيان

هزلت
عارفين وين القهر ؟؟؟؟

لما تشوف مطش وعندك ثقة بأن الفريق اللي تشجعة صعب يسجل

ومحبط أكثر لما يتسجل فيك هدف بدري

وقتها تسأل نفسك أكمل مشاهدة المباراة والا أشوف جو ثاني

آآآآآآآآآآآآآآآآآآآآآآآآآآآآآآآآآه حتى ملت الآه مني

أنا بسألكم بالله
وش ممكن يطلع من القحطاني والسهلاوي والحارثي والزيلعي

بطئ رهيب ، وقلة حيلة في التعامل مع الكرة
برود حتى الضجر
كأنهم مغصوبين على اللعب

في قريح انت وياه
هذا شعار النصر
حلمه نجوم كبار ارهبوا العالم

غبنه لما تشيلون شعار شالوه
والله غبنه

مزري جداً لما أعرف إن السهلاوي هذا بـ 30 مليون
لاعب درجة أولى بـ 30 مليون ، امكانات ضعيفة جداً جداً
يفتقد للسرعة
للمهارة للارتقاء للقدم القوية
30 على إيش

والقحطاني بـ 18 مليون ، يعجز عن تجاوز مدافع

والحارثي ماخذ على خاطره .. يقول فريقي ما قدرني ... مسكين يا فان باستن

والزيلعي يقول .. الهريفي قدوتي ... اقول تبطي عظم والله ولا أظفر من أظافره هالهريفي اللي تقول جاب بطولات وتحامل على إصابات ، وبذل الغالي والنفيس .. عمي حرام تلبس الشعار

والزبدة جمهور مغلوب على أمره وياقلب لا تحزن

معتز الموسى ومحمد مسعد وجفين البيشي وكامل الموسى
فريق من الكديش ..

ونجومنا المحبوبين
ما لقوا سبيل في تمرير الكرة بينهم بشكل يوحي إن فيه تمارين يومية
مع أن الجوال ما يسكت
أخبار الفريق وتمارينه

جمل تكتيكية
وتبادل الكرات . وتمرين خاص بالمهاجمين . وتدريبات خاصة بالدفاع

ضحك على الدقون .. وعفاك

ياجماعة النصر من سنين يحتاج صانع لعب

والله العظيم صانع لعب بس

فيه لاعب قضى ثلاث مواسم مع الشباب الإماراتي جنسيته تشيلي يلبس القميص رقم 10
جيبوه سلف

حرام والله ما أدري وش أقول .. وصلت مرحلة من اليأس ... كيان غايب عنه الفكر

خلاص والله خلاص

المباراه أنهيت الشوط الأول أنهاها الحكم بضربتين جزاء ومعها ضربتين نفسياً للاعبين وتحطيم لهم
وأصداها لن تكون في المباراه هذه بل المباراه القادمه يطالهم من التحطيم

هذا شي مخطط له قبل المباراه


ولكن نحن كجماهير نريد النقد باللاعبين والمدرب والرئيس وهذه ثاني مباراه ونحن لم يعجبنا من النصر أحد