جحا عن ... أبو زيد

السلام عليكم ورحمة الله وبركاته :


هذي قصة والاقرب أنها جحا عن ... أبو زيد الهـــلآلي ...


والاسلوب والله لكم عليه بس لا تدققون ... يدورمخرج لنفسه ههههه


السالفه وما فيها أن أبو زيد الهـــلآلي راح لم عليا ... الي هي معرووف عنها الجمال عند العرب

ومعروف قصة الحب بينها وبين أبو زيد ...


الوكــاد انه قال ميدها ان مافيه بين العرب أشجع مني ولا أحسن من مرتي في الجمال .. الي هي عليا .. ولا أسرع من ذلولي ..


قالت ميدهـ عليا انت مادرت العرب رح وبتلقا الي احسن مني واشجع منكـ واسرع من ذلولكـ


قال ابو زيد أروح ليه ماروح ويشد وهو يروح ويذهب ويمشي ولقاله بعد مسيره طويله لقاله ثلاثة

رياجيل كل واحد عن قبيله ( عــيرهـ ) معهم دلوٍ كبير يردونه من قليب بعيد عنهم ويعودون يعني

ماينحرز ... الوكاد قعد يعاين فيهم وانهبل من القوه الي فيهم ويوم عودو لقا منهم الي يبتسي

والي ضايق صدرهـ .... ويشد ابو زيد ويجيهم ويسألهم وش فيكم قالو ان فيه واحد جانا وطقنا

وخذا اختنا ولا أحرزناهـ ... قال هو وينه هذا الي ادورهـ قالو راح من هذا الاتجاهـ ...


ويشد ابو زيد ويلحقه .... يوم عاين لا ذاكـ الرجــال جالس تحت طلحه يعجن الطحين ... وجنبه ذيكـ

المرهـ الي هدايبها متعديتن فمها من الزين ويوم شافها ابو زيد لقاها أزين من عليا بمليون مرهـ


ويشد أبو زيد ويحول من الذلول وهو يضرب الرجال على راسه بالمشعاب ... وهذا الرجال لم يلتفت عليه ..

ويضربه ثانيه وثالثه ... ودرى ابو زيد ان الرجال مافيه طب وياكل من البر وقال هذاني كليت من

زادكـ أنا داخل على الله ثم عليك انك تفكني قال الرجال دامك كليت من زادي رح انحش ..

أنا بعجن البر وبشب النار وبسوي القرص وثم باكله وثم ألحقكـ ...


ويركب ابو زيد ذلوله وينحاش لآن قدامه حماده تشوف على مد النظر ....

ويوم خلص الرجال من القرص وهو يركب ذلوله الي لها ثلاث رجلين ...


ابو زيد يلتفت مايشوف أحد وراهـ .... ويكمل لأنه يشوفه كنه ذبابه .... ويكمل لين جابه الرجال ..


ويلقى ابو زيد قدامه مزرعه وهو يزبنها ولقاله عبدٍ ضخم ويدخل في وجهه قال العبد ازهلها ..

ويوم دخل الرجال شد العبد النخله ويقشعها من جذورهـــا ويحذفها على الرجال وتنكسر نصفين ..

ويشد الرجال لا جنبه بقرهـ ويحذفها على العبد وتنقسم البقرهـ وهم يتحاذفون ويشد ابو زيد

ويختل الرجال ويقطع رجلينه ويشد العبد ويذبحه ...


وياخذ أبو زيد المرهـ ويردها لخوانها .... وعلمهم الســـالفه ..


ويعود لعليا ويقول لقيت الي أشجع مني وأحسن منك وأسبق من ذلولي ...


هذي السالفه واعذروني على الالقـــاء لاني جبته بالعـــاميه ,.,., تلقـــائيه ....