وصلك يخيط الصدر و البعد يفريه

بسم الله الرحمن الرحيم




ماهوب كفو الوقت حبك يمحّيه
ياللي تخاف صروف الايام تمحاه



ارتاح دام ان المواصل يقويه
انت . انت وانا . انا وقلبي هو إياه


حتى ولو بتغيب ذكراك تكفيه
ياواحدٍ تكفي عن الناس ذكراه


حُبك على رملة خفوقي مواطيه
ورياح عذلي عَنك ماتمسح خطاه


واللي يعذل القلب عن درب غاليه
( يالله عسى اللي يبلا المواليف يبلاه )


اخفيه يابلفيت والحال يبديه
ادناة واحد ينظر الحال يقراه


اخفيه فيه ومعتنيٍ به وحاميه
عن كل عينٍ ودها تنزل حماه


قلبٍ يحبك والهوى الذرب ماليِه
كانك مكذبني بعينك تحلاه


شرط . ان تشوفك فيه منت بحواليه
ويمكن تشوف ديار واماكن رعاه



وشوف به تمثال والوقت هاريه
وبتشوف زرعٍ ميتٍ واقفٍ ماه



وبتشوف جرحٍ فيه سكين راعيه
راح ونسى السكين والجرح ينخاه


وبتشوف حصنٍ عجّ الاقدار سافيّه
وبتشوف باقي بيت . راعيه خلاه


لاتنزعج . هذا خفوقي وباقيه
ولاتضايق من تصّدع زواياه



قَد زلزله فرقا وهزة عراويه
والله ستر والحظ عانه وعافاه


كانه صلح لك واعجبك . زيد تبينه
ابنه وجهزّ للمقابيل مبناه


ابغيك بس من المفارق تداريه
وازهل من ايداري شعورك ويدراه


وحلل وحرّم فيه . ياأبرك بلاويه
وحله وراع ارضاي ورضاك وارضاه


جعلك بعد بعض الوجيه . امحق وجيه
ناسٍ مراتعها الرفيق بتقفاه


انواع . واخطر نوع مانيب ناسيه
نوعٍ على تفريق الاثنين مسعاه


تلقاه دوم . وكل يومٍ تلاقيه
واذا بغيت الصدق ماعاد تلاقه


وإلا انت . ردك كُل مادعيك لبيه
انشهدٍ منتوا بفي عيني اشباه


منت بمع العالم . ولا تقولي ليه
انت ادرى مني وفي جوابي وفي احواه


كذيه ومن الله يازين وإليه
واغلى طروش القلب ودواه من داه


الحلم ياتيني بزولك واراعيه
وفي كل حلم اقوم قبل اتحفاه



واعشق سميك فالبزارين وادعيه
واقبل خطاه الا اخطى واتلقاه



واسمك يروعني اذا مرّ طاريه
واحب ملقوفٍ يسولف وطراه


وامرّ بيتك من بعيدٍ ولا اجيه
وانا لو انه في يدي ماتعداه



حتى تواير موتري تلتفت فيه
تبغي تلفّ ويستحي العقل والجاه



وصلك يخيط الصدر والبعد يفريه
ويابري حالي كان صديت برياه



ويلي على ادري حبنا ويش تاليه
وويلي على ادري وش ورى الغيب ويلاه



عشان اشوف اذا محبتك ترفيه
والله لاقفي عنك . واستغفر الله

الله الله شاعرنا المميز
انتقاء رائع
واختيار جمييييييييل
يعطيك العافيه ع هيك ذووق

الله روعه مشرفنا ولاهنت صراحه
راق لي ارق تتتقيييم

ابياات ررائعه
يعطيك العافيه اخوي ع الاختيار
لاخلاولاعدم

قلبٍ يحبك والهوى الذرب ماليِه
كانك مكذبني بعينك تحلاه


-----------


قمة الروعه


مشكووور


كودرد ^_^

سلطان النصر
انت رااائع في كل شي
تحياتي لك...

يالبى قلبك على هالابيات

تسلم يمينك يالغالي لاهنت يابعدي

ابيات رائعه
تسلم لاهنت..

الف الف شكر لك على نقل هذه الشامخه ولاهنت...

المشاركة الأصلية كتبت بواسطة نصرآويه ذوق

الله الله شاعرنا المميز
انتقاء رائع
واختيار جمييييييييل
يعطيك العافيه ع هيك ذووق

يا أهلاً بالذوق ^_^
يعافيك ربي نورتي

المشاركة الأصلية كتبت بواسطة روحي العالمي

الله روعه مشرفنا ولاهنت صراحه
راق لي ارق تتتقيييم

الأروع و الأجمل مرورك روحي العالمي
أهلاً ^_^

المشاركة الأصلية كتبت بواسطة طبعي الوفاء

ابياات ررائعه
يعطيك العافيه اخوي ع الاختيار
لاخلاولاعدم

يعافيك ربي و يسلمك طبعي الوفاء
أهلاً و سهلاً ^_^

المشاركة الأصلية كتبت بواسطة كودرد

قلبٍ يحبك والهوى الذرب ماليِه
كانك مكذبني بعينك تحلاه


-----------


قمة الروعه


مشكووور


كودرد ^_^

يالله هيييّه ^^
هياك ربي كودرد لا هنت علامرور
^_^

المشاركة الأصلية كتبت بواسطة جوجل

سلطان النصر
انت رااائع في كل شي
تحياتي لك...

من بعدك أخوي الغالي جوجل
حياك ربي
^_^

المشاركة الأصلية كتبت بواسطة عايدالعنزي

يالبى قلبك على هالابيات

تسلم يمينك يالغالي لاهنت يابعدي

يا لبى قلبك عالمرور أخوي عايد ^_^
أهلاً و يسلمك ربي

المشاركة الأصلية كتبت بواسطة جــــــوودي نـــصــر

ابيات رائعه
تسلم لاهنت..

يسلمك ربي جودي
ألف شكر على المرور
^_^

المشاركة الأصلية كتبت بواسطة نصراوي العصر

الف الف شكر لك على نقل هذه الشامخه ولاهنت...

حيالله شاعرنا
نورت الموضوع أخوي
^_^