طبع البشر

ماني من اللي يعشق القيل والقال
الا من اللي يعشقون الفعاايل

وماني من اللي عادته جمع الاموال
شيفيد جمع اللي مع الوقت زايل

وماني أحب اللي مع الوقت يحتال
رجل الرخا....ويميل لا مال مايل

وماني أحب اللي معي مثل الاحوال
اليوم صافي....وماتبعها مخايل

وماني احب اللي يزور و دجال
طبعه كذوب وما لطبعه بدايل

وأكره ماشوف المرتفع لامن انهال
سبة دنايا النفس عقب الطوايل

وياكثر ماشفنا مصايب وأهوال
في هالزمن زادت علينا الهوايل

وماقول انا كامل...ولاني بمختال
لكن احب الحق....وللحق قايل

يمكن أكون أخطيت في قول وافعال
طبع البشر،،تخطي..وفيها جمايل

يالله يارحمن ياعالم الحال
ياخالق(ن) خلقك طبوع وفصايل

تغفر لعبد(ن) شايل حمول وثقال
وكل ماشاله يبي منك الفضايل

الشيب في راسه شباب(ن) ولانال
غير العنا..والهم..وغيره مثايل

تجعل حياته كلها سعد وانفال
وتكفيه كل اشرارها والخذايل

وتبارك بنسله مع الرزق والمال
يالله..ياوهاب..ومعطي الجزايل

اشكرك لللطرح الاروع

مشكووووووووووووور ه على ردك

ابيات جمميله
يعطيك العافيه ع الطرح

مشكووووووووووووور ه على ردك

الذئب البشري
انتقاء ولااجمل ولااروع بصراحه ابيات ملئيه
بالجمال والحكمه
ضامي بطوله

مشكوووووووووووووووووووووووووووووور على ردك