...‘‘‘ بليز دونت تراي ليتر)لان راعيـه اغلقـه...‘‘‘

اشهد ان الوقت نفسه والطرق نفس الطرق



والوسيعـه ذي حشـا ماكنهـا الا صندقـه



ذي تصاريف الليالي والمثل فيـك انطبـق



دارت الدنيـا ورد الشمـل عقـب التفرقـه



ميـا فينـا قـال للثانـي علينـا نفتـرق



مين فينـا الّـف كتـاب الفـراق ونسقـه



اختصر وقتك ترى طبعـي معـك مايتفـق



اتفـق قلبـي مـع غيـرك وربـي وفقـه



ان رقم الهاتف اللـي انـت دقيـت انغلـق



(وبليز دونت تراي ليتر)لان راعيـه اغلقـه



والهوا اللي مايجيب لصاحبه غيـر الزهـق



والسهر والنـوح وهمـومٍ تجيـه وتقلقـه



ابرك لراعيـه يستسلـم خـلاص ويفتهـق



واحسن انه يرفع الرايـه وينكـس بيرقـه



كم زهمتك لين ماحسيـت صوتـي يختنـق



وانت تتبع لـك ظنـونٍ ساقتـك للمشنقـه



قلت لك قلبي من فراقـك سلوكـه تحتـرق



اسعف اللي طاح في بحرك ومـوك غرقـه



لين ماقررت اكسر سـور حبـك واختـرق



حاجزٍ ابطيت اشوف الـروح فيـه معلقـه



بس اشوفك جيت اخيراَ بعد ما الكاس انطفق



وانت بيدك كـل مامديـت كاسـي تطفقـه



جاي وتطالب بحقـك يافـلان بـأي حـق



أسألـك بالله ذا هـرجٍ لسـانـك ينطـقـه



بأي وجه تجي تطالب يالدخيـل المرتـزق



الطلب مرفـوض دام ان الحقـوق ملفقـه



مامشى موضوعك اللي فيه زورت الـورق



للأسـف ياصاحبـي لان البنـود موثـقـه



لاتقلّي كيف وانـت ادرى بهـذا المنطلـق



يوم قالو وش حدا المسمار قـال المطرقـه



من طرق باب العرب لابـد بابـه ينطـرق



ومن حرق جاره بنـاره الشـراره تحرقـه



غرك انك شفت خيلي في هواكـم منطلـق



تحسب ان خيلك الا من راح ماشي يسبقـه



انت ماصدقت من قالو ان(من سبـق لبـق)



غـرك اللـي قال(قـدّم للغشيـم وتلحقـه)



مادريت ان الهوى دربه مثـل درب الزلـق



وان درب الحب كله زحلقـه فـي زحلقـه



ذا يـروح وتكرهـه وذا يجيـك وينعشـق



وذاك لوسافر نسيته وغيره ان جا تعشقـه



طبخة ايدك اعزمي نفسك عليها فـي طبـق



مااوصّيك استلـذي بطعـم ثومـه ومرقـه



الخلاصه قفـل الموضـوع كرتـك احتـرق



بعـد ماحبـك نكسنـا رايتـه مـع بيرقـه

شكرا للابيات ولاهنتي ي الغلا
يعافيك يارب

ابيات رائعه تسلمي

ي روحي

جودي
يسلممممممممممممممممممممممموو ع مروركم المعطر برائحة الجوري
لا خلا ولاعدم من طلتكم الحلووه

الخلاصه قفـل الموضـوع كرتـك احتـرق
بعـد ماحبـك نكسنـا رايتـه مـع بيرقـه

أعجبني هالبيت حيل
لا هنت يا ذوق عالابيات
الف شكر
^_^

سلطان النصر
اسعدني تواجدك المعطر برائحة الجوري
لا خلا ولاعدم من طلتك الحلووه

الله الله الله علئ هذا الانتقاء الروعه الف شكر لك على ابداعك الجمييل ولاهنت...

صح لسان شاعرها ويدين كاتبتها


الف شكر لك على هالابيات

فالك اليرق ههههه

نصراوي العصر
شاعرنا المميز وكلماتك المميزه والتي اعتبرها وسسام ع صدري
لا حرمت هالتواجد بصفحاتي

عايد العنزي اسعدني تواجدك الدائم بصفحاتي
وفالك المليون هههههههه
ويسلمممممممممممممموو ع المرور

مادريت ان الهوى دربه مثـل درب الزلـق



وان درب الحب كله زحلقـه فـي زحلقـه



ذا يـروح وتكرهـه وذا يجيـك وينعشـق



وذاك لوسافر نسيته وغيره ان جا تعشقـه



------------



وقسم رووعه

مشكووره ذووق

كودرد ^_^