من الحب توبه ---حصريه---

بين صدق وعود ووعودٍ كذوبه=وبين طاري الحب والنفس الشقيه
عشت كني واحدٍ يعشق ذنوبه=ودون لا يعلم تبع سيه بسيه
لو يتاب من المحبه قلت توبه=ولا يعود اللي يتوب من الخطيه
ذاكرن لي قول من قبلي حكو به=وفيهم اللي من توفته المنيه
ولا طرا لي قولهم واللي بدو به=عدت قولٍ شدني ما اوحيت زيه
قال ابي بيتن تهيضت بعذوبه=يرحم الله طاري الوالد وحيه
(الهوا والنفس وابليس لعبوا به=لعبة اللي هاقي إن نفسه بريه)
الهوا واهل الهوا قد عرفو به=يخلف الرجال منه الفين نيه
ومن يطيع النفس روته العجوبه=تعسر الدنيا بعد كانت هنيه
وثالث الاشيا وغيري قد درو به=مطغي النفس القويمه والسويه
آآآه ليت الحب هذا منه توبه=والله إن اتوب ما اعود الخطيه
واترك دروب الهوا لو هي جذوبه=واتخير فالحروف الابجديه
واكتب بخطٍ عريضٍ ما يشوبه=لا غموض ولا شكوك ولا أذيه
الحبيبه لا غدت ريمٍ لعوبه=اخذها بشرع الله وسنة نبيه
وخل عنك الحب ووعودٍ كذوبه=وعيش عيشه مثل ما قالو هنيه.

وسلامتكم.....

مشكور ويعطيك العافية

حياك الله ومنور يالغالي....

آآآه ليت الحب هذا منـه توبـه
والله إن اتوب ما اعود الخطيـه

واترك دروب الهوا لو هي جذوبه
واتخيـر فالحـروف الابجـديـه

ابيــــــات رائعه

صح لســـانـــــك نصراوي العصر

واصل ابداعـــــــك

لاعدمنا جديدك..

حياك الله اختي طيف ودخولك متصفحي بحد ذاته يحسب لي ابداع شكرا عالمرور وصح بدنك...

يعطيك العافيه
ابيات رائعه
تسلم اناملك على الطرح الجميل
لك ودي واحترامي