فراق الاحباب

ياوجودي لا اقبل الليل وانزاح النهار=وجد من صوب خليله خطا ثم قتله
او كما وجد اللذي خايف أن يلحقه عار=يوم ناظر حرمته عاريه ومهمله
من سبايب واحدن شب وسط القلب نار=شب وسط القلب نار وعجز يهتم له
ان نصيته قلت هذي هي وصوف الحرار=وإن دبرته قلت هذا الجمال بأكمله
إكتمال الزين بالزين يعني بختصار=شي شفته بالعيون وعجزت امثله
المصيبه تكمن الان في اخذ القرار=إن نصيته مشكله وإن تركته مشكله
مثل ما قال المثل بين نار وبين غار=يا كذا ولا كذا والدروب مسهله
ياهني الدير اللي غدت للزين دار=وياهني اللي مع الزين في نفس عمله
ويا وجودي وجد شيبه كبيرن له صغار=يوم جا في مجلس القوم محدن جمله
كل ما ناظرت زوله احس بالانهيار=ولو لا خوف من إلهي وسلمي رحت له
اشهد إن فراق الاحباب صدق إن قيل حار=واشهد إني عقب فرقاه فارقت الدله
يالله يا منزل تبارك وسورة الانفطار=احفظه زولن عشقته وذوقني الوله.