على كف الغرام

على كف الغرام اللي .. سكت في لحظة التوديـع

على درب الفراق .. ودمعـة المحـروم وآهاتـه


جلست اجمع فرح عمر ... وسنين ٍ ما لها تجميع


واقول الله على غالـي .. تبـي تبعـد مسافاتـه


انا كيف اتركه يرحل .؟. واهيم برحلـة التلويـع


وكيف اترك وليف ٍ لي ... وكيف أثنـي قناعاتـه


وانا ما ظن ّ لي قلب ٍ ... على هم الفراق يطيـع


وانا ماظن ّ به قلب ٍ .... يعييييييشابدون نبضاته



اروح اعاتبه .؟ وألا .. اعيـش بواقـع الترويـع


وانا وشلون اعاتب ..؟ والعيون اتشوف دمعاته .؟


انا اشهد لحظة الفرقى .... بها كل العلوم اتضيـع


يتوه الهرج له نوبه ... و نوب اتمـوت كلماتـه



ذهول ٍ مع سكوت ٍ مع دموع ٍ مـا تبـي ترجيـع


معاهن حرقة ٍ تصرخ ... تدكّ الصمت و اسكاتـه


تعال اطلق عنـان الدمـع ... دام بدمعنـا تمتيـع


مدام الوقت ظالمنـا ...؟ فـلا تغريـك ضحكاتـه


هموم ٍ جالت بصدرري ... تقطّع بالأمـل تقطيـع


وانا هالوقـت يصدمنـي .... تضيّعنـي متاهاتـه



ترى هالخوف والريْبه ... حشا ما هيب للتوديـع


اخاف إن سافر الغالي " تسوق اخطاي خطواته "



لحظه لحظه ..




لا ~ تروووووح


باقي في صمتي كلام



و باقي في قلبي ~ جرووووح

على درب الظلام امشـي و اقـول : الله يسهّلهـا


و انا مدري على وين السنيـن اتسـوق خطواتـي


وحيـد .. وشايـلن ~~ هـم الـدروب الي باقابلها


وتايه والزمن ظالم .. و اضم ّ الخـوف فـي ذاتـي



دروب ٍ كلّهـا اشبـاه و لا ادري كيـف اكمّلـهـا


اخاف امشي بدرب الموت…واتـرك درب منجاتـي


مشيتك و الليالـي سـود .. عـوج ٍ مـا تحمّلهـا

غرقت بمركب احلامي .. و احسب إن الهوى مواني ]