جماهير العربي الكويتي تؤكد : النصر نجح في التعاقد مع مدرب متميز وطموح‎

تواصلت جماهير العالمي مع منتدى نادي العربي الكويتي وسئلتهم عن المدرب الكرواتي الذي تعاقد معه النصر السعودي مؤخرا والذي سبق وان درب العربي الكويتي في فترة سابقه ..
فكانت اجابات اغلب الاعضاء ايجابية .. ونترك لكم هنا ابرز التعليقات والاجابات من اعضاء منتدى نادي العربي الكويتي :

داحي الباب عضو رابطة ليفربول قال عن المدرب :
المدرب دراغان مدرب على مستوى عالي .. لكن للاسف الاداره عندنا لم توفر الاجواء المناسبه له ولم توفر سيوله ماليه لاستقطاب المحترفين .. ومع احترامي لاخواني الاعضاء لو مورينيو يدرب العربي سيخرج من الباب الكبير حامل فشله معه .. فالعله والمشكله ليست بالمدرب .. رايي الشخصي .. ان عقلية دراغان كانت اكبر من مستوى اغلب اللاعبين بالعربي وبالتوفيق للنصر ادارة ولاعبين ومدرب ممتاز
المدرب مافيه شي... بس اهو خرب روحه بروحه !! ياب 3 محترفين فشله....

اما العضو : يــوســف البلوشــي فلقد تداخل بقوله :
مدرب كبير ويملك مستقبل كبير بالتدريب !
واستغرب من الي يقولون فاشل هني ؟!
اكثر من مدرب مر على العربي بالسنين الي طافت وصولاً من البرتغال وانتهاءاً بـ كرواتيا ، كلهم فاشلين ؟!
بافيماك سلوفيني ، فاشل !
ميهالوفيتش ، فاشل !
فييرا ، فاشل !
لازاروني ، فاشل !
محسن صالح ، فاشل !
جيستروفيتش ، فاشل !
راشاو ، فاشل !
دراغان فاشل !
حالياً كابو قاعد تتوجه له الانتقادات وظهرت اصوات تقول هم انه ( فاشل ) على الرغم من انه قدم مستوى استثنائي مع نادي النصر الكويتي الموسم الي طاف ! ^_^
كل المدربين الي دربو العربي ( فشله ) على مر السنيين الي طافت !
شي غريب وبنفس الوقت عجيب !!
دراغان فاشل ( اي ) زين ليش ؟!
لانه اختار محترفين ( فاشلين ) زين الاداره مو موفره له سيوله كبيره حيث يتعاقد مع محترفين ( يمشون ) الحال مو ( ترللي ) !!
مدرب رقع بالفريق يمين ، يسار ، حاول يسوي شي لكن ايد وحده ( ماتصفق ) تبونه ينزل الملعب ويلعب مثلاً ؟!
النصر كسب مدرب كبير ، ودراغان قبل لا يوقع حق العربي حقق بطولات مع نادي ريجيكا الكرواتي وحصد ثلاث بطولات هناك مع نادي ( عادي ) ووقتها كان عمره 36 سنه ! ^_^
فشل مع العربي ، لانه الاداره فاشله وماتوفر الملتزمات المطلوبه لـ المدرب
شلون تبونه ينجح ؟!
وعلى فكره ، دراغان حصد خمس جوائز تذكاريه ومنها جائزتين بـ ديرته كرواتيا ! ^_^
زعيموفيتش
زينغا تم ركله خارج اسوار النادي الروماني دينامو بوخارست بسبب سوء نتائجه !
زينغا تم ركله من قبل المجنون زامبريني مع النادي الصقلي باليرمو !
دراغان لو درب باليرمو مايفشل مثل فشله ، والله اعلم !


اما العضو يوسف الخرس مـراقـب فلقد تحدث عن المدرب وقال :
اخوي عالمي
تحيه طيبه لك اولا
معروف مدى قدره اداره ناديكم العملاق بالعطاء وتقديم الافضل للفريق سواء محترفين او معسكرات على مستوى عالي
الاخوان الي عندنا عبالهم امكانيات ادارتنا نفس الي عندكم وهذا شي يضحك
ودام وراكم اداره عندها قدره كبيره راح تسخرها للمدرب فلا تشيل هم
اما الي يوقع وبس ماكو اي مقومات اخرى فأكيد ماراح يتوفق
على العموم
بالتوفيق لكم ان شاء الله


بينما كان للعضو : بوجاسم الزعيم مداخله في الموضوع قال فيه :
مدرب شاب وطموح ويتعامل بأحترافيه ولكن انصدم بتواضع المستوى والماده
وهذا الي حيره
والي يثبت روح شوف انجازاته خلال مسيرته وشوف شنو سوى مع الفرق الي دربها
قبل لايجينا خلال ست سنوات واعتقد انه راح يفيدكم وايد لانكم محترفين ولستم هواااااااااااااااااااة


بينما كان للعضو : المحامي راي قال فيه :
انا اشوفه مدرب ممتاز بس للأسف إدارة النادي لم توفر له الجو المناسب .
هذة كانت ابرز ردود اعضاء منتدى نادي العربي الكويتي حول مدرب النصر الجديد .

يعطيك العافيه شكرا ,.

والله يجي ونشوف وبعدين نحكم عليه تشكراتي لكي

الله يكتب اللي فيه خير ان شاء الله

ومشكورة ع الموضوع الرااااائع

يعـطــــيك الـعافـية عـ الطــرح الــرائــــع لاهــنــت

الله يكتب اللي فيه خير
والله يوفقه مع العالمي
يعطيك العافيه يالغلا

تسلمى على اهتمامك الغير مستغرب
وعلى استطلاعك عن مدربنا
وارى اعتقد تصب اغلبها بصالح المدرب

كلام يطمن ويريح القلب وتزول افكار الفئيه الضاله بالاعلام المضلل للحقيقه
واغلب الاخبار عن المدرب انه يهتم بالتكتيك وهذا الي نبيه
يعطيكي العافيه

خيرا إن شاء الله

بالتوفيق ان شاء الله

اهم شيء اللاعبين الاجانب هم من سيصنع الفارق