يوم فاز العالمي؟قالوا بالتشبع الكروي

السلم عليكم ورحمة الله وبركاته

صباح الخير ياعرب

اولا انا وجالس اتصفح موقع كوره واشوف المباريات المنقوله اليوم لفت انتباهي مقاله لواحد اسمه عدنان النمكي(مجهول) الاخ الحبيب مسوي نفسه كاتب وبالعاميه( وخر عن الطريق) وهو يحلل مباراة العالمي والشباب اللي بصراحه وقفت عنده في مقدمته بالمقاله يعني الى متى والناس تهضم حق النصر او تقلل من شانه ايام يتكلمون ويهاجموننا بالصحافه وبالمجالس انتم متى فزتوا ومتى اخذتوا اخر بطوله وشن حمله على النصر وكانه الفريق الوحيد اللي حال فيه الزمن لوحده ما كان فيه فرق ما صار لها مثل ما صار للنصر شوفوا الحبيب وش كاتب في مقدمة مقالته صراحه شئ (يقهر) ودي اقابل الشخص واعرف ميوله واعلمه من يكون هو

نص مقدمة المقاله:بالإرادة .. حقق فريق النصر فوزاً عزيزاً بهدفين مقابل هدف .. وبالتشبع الكروي والإرهاق البدني .. خسر فريق الشباب " بطل الدوري " مباراة الذهاب اليوم بالرياض في أولى مواجهات الفريقين بكأس خادم الحرمين

كلمته بالاراده اوكي ما نختلف عليها ومشكور وماقصر لكن الحبيب جاء يبغى يكحلها عماها عندما قال وبالتشبع الكروي ليش تبي تقنعني يا عدنان ان الشباب متشبع من بطولة الدوري وعادي عنده لو ينهزم على مين تضحك انت تحسب القراء مثل شاكلتك ما يفهون ولا هم مثقفين صراحه انت كاتب حكمت على نفسك بالفشل وانت لو لك حساب بالتويتر كانت علمتك انا شخصيا اسلوب التحليل الفني لاي مباراة حتى لو كانت مباراة حواري

يعني الشباب دخل المباراه متنازل عنها او بالاحرى متنازل عن البطوله اخذ الدوري وخلاص؟ وين عايشين اخ عدنان حنا؟

لكن ما اقول لك بالعاميه( الا الله يخلف على قلمك اللي انت راز فيه)

نسيت اضيف على الموضوع كلمه اللي حاب يشوف المقاله كامله يدخل موقع كوره علشان ما يجي احد يقول نتبلى على الناس هم والله اللي باقلامهم تبلوا على نصرنا

واللي يمس النصر بلمسه نحرق اصابعه ونعدم حاسة اللمس عنده

الله يعطيك مليووووووون عافيه أخوي بندر

هؤلاء ينشدون الشهره على حساب نصرنا بمحاولة التقليل دائما من شأنه

فيجب الا نلتفت لهم أبداً ولما تكتب أقلامهم


لاهنت يالوفي وكثر الله من أمثالك

السلام عليكم

الله يعطيك العافيه استاذي

سأرد عليهم بطريقتي

اي تشبع وكل الفرق لعبت نفس عدد المباريات لا زيادة ولا نقصانا , اي تشبع والنصر لعب باجنبي واحد والشباب لعب بكامل لاعبينه الاجانب .
طرد منهم لاعب وطرد منا لاعب وكم من المرات خسرنا منهم ولم نضع اعذار

عذر البليد مسح السبوره الهلال كان لاخر المباريات وهو يقترب من نيل البطولة لماذا لم يخسر وحتى لو خسر لن يقول تشبع .

ليس لي دخل بالهلال ولكن كضرب مثال فقط .

عندما يخسر فريق البروست من النصر يخرج الاعذار والمبررات .

النصرفاز باستحقاق والبروست خسر خساره طبيعيه من فريق كبير لا تشبع ولا شي بس مجرد تصغير من حجم النصر اللي يبطون يقزمونه .

خسروا الموسم الماضي من الاهلي باقرار إداري وتركوا كل شيء ووضعو فشلهم على الااد السعودي
اما الشخص اللي ذكره لا يتعدا انه رويبضه ونكره غير معروف .

لله درك من نادي حتى يوم تخسر منك الفرق يبحثون عن الاعذار

مودتي

مشكور اخو ي هذا شي ليس غريب على من يريد لنصر الرجوع ولكن ليس هكذا تاكل الكتف الجمهور واعي ومثقف .

( تسير القافله والكلاب تنبح ) ماعليكم منهم اخوي بندر ولا يستحقون منك الاهتمام ولك ودي

اشكر مروركم اخواني ويشرفني اسمع ارائكم ولكم جزيل الشكر والامتنان

اخوي ع قولة هذا الشخص نكرة يعني يبي يشتهر ولقى اسهل طريقة العالمي بس المفروض تهميشة لانها نكرررررره لاهنت يالطيب

كلك ذوق يادفء المشاعر والطيب منك ومن اخواني