ثنتين..

ثنتين يعطونّك معزه و تقدير
دينك و فعل البر في والدينك،،

و ثنتين منهن يكثرون المخاسير
درب الضياع و صحبةٍ ما تعينك،،

و ثنتين عنهن ما تجوز المعاذير
سترك لاهل بيتك و مكسب يمينك؟؟

و ثنتين لو طال الزمن ما بهن خير
هرج القفا و مجاملة من يهينك،،

و ثنتين يطلقن الوجيه المسافير
ترديد ترحيبك و ضحكة جبينك،،

و ثنتين يسوون التعب و المشاوير
مواصل ارحامك و فزعة قرينك،،

و ثنتين نار و عار معنى و تفسير
ترضى الخنا و تخون مستامنينك،،

و ثنتين لا تقبل بهن الاشاوير
الجار و الصاحب ليا قال وينك.؟

و ثنتين يشرن بالذهب و الدنانير
حشمة ابن عمك و نصرة عوينك،،

و ثنتين جنبهن و احذرك تحذير
فعلٍ يشنّع بك و هرجٍ يدينك،

الله الله عليييييك ياماجد كل بيت اجمل من الأخر
الف شكر لك

شكراً لك ولذائقتك الجميله ولاهنت...

يعافيك ربي اخوي للانتقاء الجميل للابيات
ولاهنت اشكرك

شكرا لمروركم على موضوعي وهذا شرف لي ووسام على صدري

يعطيك العافية ماجد
كل بيت حكمة لوحدة
ألف شكر و لا هنت
\^_^

الله يرضى عليك أخوي ماجد السلماني ويوفقك ويسعدك ،،، بالفعل جميع مواضيعك مميزه وذوات معان ساميه
قصيده ترفع سمو الذات وتهذبها ويؤخذ بحكمها ،،،

ابيــــــــــــات حكممه رااائعه

الله يعطييك العاافيه

وماننحرم من ذائقتك المميزه

لاااهنت ..

سلمت اناملكـ .. ودااامـ نبضكـ ..
لاحرمنا الله روعة انتقائكـ
دمت باا فضل حاااآل وراااحة باااال..~
ودي وتقديري ..

قسم ابيات روووعه

اتحفتنا