غنيت لـ أصغر " همومـﮯ " وإنكسر لحنـﮯ ~ ♥

حسبي على الشعر نوب و نوب حسبي له
...................... نوبٍ يخفف علي ونوب " يجرحني "

عساني اخطي رداه وهـزله وميله
...................... واصيب شيٍ ليا قلته يربحني

والله يسامح خطاه وسوء تأويله
...................... و " أنا " على زلتي ربي يسامحني

الناس كلٍ على همه يغني له
...................... وغنيت لـ / أصغر " همومي " وانكسر لحني

ياصاحبي صاحبك كثرت غرابيله
...................... ولا به إلا " أنت " يشعربي ويلمحني

وين أنت يا " أطهـر " من الغيم وهماليله .؟
...................... ياللي ليا مر لك طاري يفرحني

جاد " بَك " كف الزمان وشح من ليله
...................... شف كيف الأيام ماتبغى تريحني .!

وشلون ابنساه وانا اصغر تفاصيله
...................... تسر حالي ولو حال الزمن محني

صوته , وضحكه , حور عينه , مظاليله
...................... صباح وجهه , عسى وجهه يصبحني

ربكة يدينه , شذى عطره , ومنديله
...................... براءته , طيشه ان حاول يمازحني

اجيه , و أوقف , و أروح ألقاني أجي له
...................... وأضيق , و أرضى , ولا أدري من مصالحني

ادل كل الدروب اللي تـودي له
...................... وتردني عزتي و " الشوق " ذابحني

ياكثر حزني عليه وكبر " حبي " له
...................... وياطول صبري وانا اللي صدق جارحني

ياأطهر من الغيم وأعذب من هماليله
...................... ياللي ليا مرّ لك طاري يفرحني .!

أخطيت انا وانت , نفس " الجرح والليله "
...................... وسامحك قلبي وعيا لا " يسامحني " .!


راقت لـــــي

ياسلاااااام على عذوبة هذا النص الف الف شكر لك ولاهي غرييييبه...

ي سلام علييك
جمييله..#

منورين جميع شكرا

آَسُلُوْب مُغَلَّف بِالْزُّهُوْر
سَيَظَل نَثَرَك سَاطِعَآ دَوْمَآ
وَجَمَآل هَذِه الْأَحْرُف
رَمْزَا عَلَى شَفَافِيَة انتقَائك الْمُمَيِّز
فَرِّوعة طرحك تجْبِرُنَآ عَلَى الْصَّمُوت و الإسِتِمآع إِلَيْه
لِرَوْحِك قَلَائِد الْجُوْرِي

جميل إختيارك يا روحي العالمي
ألف شكر على هالابيات الحلوة
يستاهل الوسام + تقييم
^_^

منورين جميع اشكركم والله
ارق تقييم
ودي,

ابيات رائعه جدا
متميزة كالعاده
تحياتي لك
جوجل

هلأ بك ي جوجل
منور ولاهنت
يعطيك العافيه
ودي,

تسلمي اختى روحي العالمي
علي هذه الانتقاء المميز لابيات عذبه كعذوبة المطر
دمتي بكل الخير اختى
ضامي بطوله