عبدالعزيز اللي رفع راية الدين

عبدالعزيز اللي رفع راية الدين
عساه عند الله يلقى جزاها
عنا رحل لكن خلف سلاطين
خلف ملوكٍ كلنا في حماها
ليته يشوف المملكه شوف بالعين
ويشوف نهضتها وخطت بناها
ويشوف مكه وسعت بالملايين
توسعت والفن يشمل بناها
وطرقٍ سريعه شيل عنها ضلاعين
حتى المسافر ما يحس بعناها
والجامعات اللي تخطت ثلاثين
و حتى القرى تعليمها في قراها
ويشوف شعبٍ مرتكٍ للمعادين
حامي حدود المملكة مع سماها
يا دارنا ياقبلةٍ للمصلين
ياللي تضم اجدودنا في ثراها
من خانها لو هو من الربع الأدنين
يجيه منا كيتٍ مانساها
وصلوا على من علم الناس بالدين
عقب الجهل للدين قام يهداها

مسند بن مازن الزحزوح الميزاني


راق لي

للامانة منقول,.

قصيدة مميزةلاهنتى اختى الكريمة

قصيدة رائعة صح لسان الشاعر
ورحم الله الملك عبدالعزيز

الله يعطيك ألف عافية استاذتي الغالية
روح العالمي لاهنتي

سلمت اناملك ع النقل الرائع
اللهم احفظ المملكه وشعبها وجميع بلاد المسلمين

بسم الله

جميل جدا

جزاكم الله خيرا اشكركم
وارق تقييم