جيت احسب اللي راح واللي بقالي

جيت أحسب اللي راح و اللي بقالي
و ألحق اللي بقا قبل أتحسّف عليه

بين نفسي و بيني قلت أبشوف حالي
بأنتبه للزمان اللي أنا تهت فيه

و أحسب اللي كسبته وأحسب اللي غدا لي
كنت جالس و فكري كل طاري يجيه

لين رديت مع فكري لذيك الليالي
وقمت أقول بندم وشلون راحت و ليه

ليه راحت هنوفٍ عندها كنت غالي
و هي بعد من غلاها أغْلي اللي تبيه

كنت طفلٍ و هي طفله حشا ما نبالي
نرضي اللي نبي و نزعّل اللي نبيه

كانت آمالها بالضبط تشبه آمالي
ما ترجيت شي إلا و هي ترتجيه

و الله إني بذاك الوقت داله و سالي
كنت حتى الشعر لعيونها مبتليه

لو أسوي بويتٍ رحت أسابق ظلالي
مقدر أصبر أجي مسرع و أقول اسمعيه

و آتفيخر و أقول اقري كتبته لحالي
بيت مكسور ما يجبر و أقول احفظيه

( خالد المريخي )

ماشاء الله ابيات روعه حيل الله يعطيك العافيه مشرفي
مميز دوما وفقك ربي

صح لسان شاعرها و يعطيك الف عافية
يا بطل
ألف شكر أبو الجواجل
^_^

الله الله على هالانتقاء الرائع للشاعر المميز خالد المريخي وعلى فكره ودي اسأل اللي عنده خبر وينه ماعد طلع في الساحه ... شكراً لك جوجل على النقل ولاهنت..

ابيات رائعه
يعطيك العافيه ع الانتقاءالمميز
لاخلاولاعدم

شرفني مروركم الرائع
يعطيكم الف عافية
تحياتي للجميع