حمد بن فطيس --بعد الشيب-- العذر ياذودي..

البارحه ليلي سرا بالتناهيت=ابغى اتصبر غير ما ني بغادي
عقب القعوده لا بحيٍ ولا ميت=من عقبها كني خلي الفوادي
طويلت النسنوس ما مثلها ريت=الى مشت كنها تخايل جرادي
الى طرت لي تالي الليل ونيت=ونت طريح في نحور الهوادي
العذر ياذودي تراني تردّيت=كودٍ علي ان قمت ولا القعادي
الابل تبغي في الرياجيل عفريت=يقوم قبل النور يجلى السوادي
ماهو بعذرٍ دايم الدوم فالبيت=واول نهاره قزره بالرقادي
شرفت في روس الطويلات وانحيت=وهدّفت هدِّاف النخيل العيادي
الشوف لا شافوه من شوفه ازريت=وسيري كما سير الجمل بالقيادي
والى بغيت اشوم للدرب زليت=عندي سوا الرجم هو والحمادي
ومن اول ضجت المضامي ودليت=جيبات مع طرد الفروت الجدادي
ادلها وإن غطلس النجم سدّيت=كني على المشبك دعاني منادي
واصبحت فالوديان عربه وقتريت=جينا ديار الخوف وادي بوادي
الله يزولك يالكبر ويش سويت=خليتني كني مريض الوسادي
راح الصبا والخاتمه قولتٍ ليت=والليت ما يسمع لصوت المنادي..

مما راق لي...

صح لساانك

يعطيك الف عافيه

الله يزولك يالكبر ويـش سويـت
خليتني كنـي مريـض الوسـادي

راح الصبا والخاتمه قولـتٍ ليـت
والليت ما يسمع لصوت المنادي..

الله الله

ابيــات في قمة الروعه

تسلم يمينــك على الانتقاء الرااقي

واصل ابداااعك ..لاعدمنا جديدك

يعطيك العافية على القصيدة الرائعة

يعطيك العافية على القصيدة الرائعة

ابياااات رائعه
وانتقاااء مميز
سلمت اناملك ع هيك طرح
لاعدمنا جديدك
ودي لرووحك

ابياااااااات رائعه
يعطيك العافيه
ياشاعرناالمميز
تسلم اناملك على الطرح الجميل
لك ودي واحترامي

راح الــصــبــا والـخـاتــمــه قـــولـــتٍ لـــيـــت

والـلـيــت مــــا يـسـمــع لــصـــوت الـمــنــادي..

تسلم الايادي شااعرنا

وصح لسان الشاعر والناقل

وكعادتك مبدع في قصائدك وفي ذائقتك