بعد 5 سنين مرت شفته

بعد خمس سنين مــــــرت أنـــا بالسوق شفته
صدفه جـــــــــابتني لدربه من بعد خمسة سنــــــــين





والله إنـــي من سمعته كلم البايع عـــــــرفته
إلتفت بلهفة اللــــــــي حــــــيل مضنيهــــــــا الحنين






لآكــــن الصدمه عظيمه شـــــايلن بيديه بنته
ومعه أم البنت الحلوه تمشــــــي شـــــابكه فيه اليدين






وقتها دارت بي الدنيا وحزني مــــا احتملته
حـــــــــارت دموعي وأواسي نفسي يـــــا ريم اليقين






وصرت أفكر يعرفني مثل مــــــــا أنا عرفته
وإلا ناسي قلـــبي اللي مــا رضى بغــــــــيره ضنين






دق جواله ونزل من على الاحضــــــــان بنته
وخثعت بنته ونـــــــادى ريــــــــم لا ياقلــبي توقعين





قمت أناظرها ودمع ٍ احتـــــــار بعيوني ذرفته
استوت هالدنيا عندي عــــــــادي لــــــو موتي يحين






انحنيت أبوس ريم وخدهــــــا الايمن لمسته
التفت لـــــي وقال لــــــي ياهـيه فيهــــــــا وش تبين






قمت أتجاهل واسوي نفسي كني مـــــا سمعته
قــــــــال يا اختـــــــي ابعدي عنهــــــا ولا تستهبلين







ويوم قرب لي بعيني من ورا البرقع حزرته
وإنكسر صمـــــتي وقلت الله علـــــــى الدنيـــا يعين





طــــــــاح جواله تلعثم قال أنـــا بحلمن حلمته
وإلا واقع فهميــــــني ليه عـني يــــــاعمري تبعدين






ليه عني مــــا سألتي وأنـــــا هذا الكون بعته
لجل عيـــــــــنك ياعيوني ومـــــــا أظـــــنك تجهلين






أنا من بعدك يا ريم حتى طاري العرس عفته
ناظري فيني وشوفــــــي كيف من بعدك حــــــزين






والله إني مــــــــا أنام إلا وما ضينـــــا ذكرته
أنتــي وحدك من جعلتي قلـــــــبي القــــــــاسي يلين







أقسم بربي غلاك بيوم مــــــاعمري جحدته
مــــــــا إلتفت لبنت غـــــيرك ومـــا سمعت العاذلين






ما سهجت دروب غيرك دربك اللي بس سهجته
وش أسوي لجــــل ياروحـــي كــــــــلامي تصدقين






شوفي هذي أخــــــــتي تشهد بصدق اللي قلته
وهذي طفلتها على اسمك اسمهـــــــــا وتستــــاهلين






صدقيني مانسيتك حـــــــبك الصادق حشمته
حـــــــتى حـــــرف الراء منك باقي له بإذني رنين






قلت آمــــر قال سمي قلت أنــــــا والله صنته
حـــــــبك اللــــي كان أصفــــى من ورود الياسمين






كم طلبني واحدٍ غـــــيرك وأنا لجلك رفضته
وكــــــم تحملت الغثــــاء واسمع شمــــــاتة شامتين






وكم لجل عينك بكيت وحـــتى ليلي لك سهرته
حيل ذابحنـــــي غيابك وفـــرحو بي الحــــــاسدين






وأنت تدري بأن حبي مــــــا أبالغ لو وصفته
بأنه أصدق حب يحصل فـــــــي حيــــاة الصادقين






قال لـــــــــــــي ياريم ربي يشهد بدمع ٍ نثرته
ويشهد إنـــــي وافي لحـــــبك ولاســــــرارك أمين






إرجعي لأبوك قــــــولـي نصفي الثاني وجدته
واحــــــــــتريني جـــــــــايبٍ مهرك ودبله باليمين






إبتسمت وقلت في نفسي حــــــرام إني ظلمته
ثم طلعت من المحـــــــــل والفـــرحه بعيوني تبين






وقمت أتمتم في طريقي هذي أخته هذي أخته
وأأه يـــازين الوفـــــــاء لاصـــــــار بين العــاشقين

روووووووووعه
ابيات قمة الجمال والرووعه
انتقاء مميز
اهنيك ع هيك طرح ويعطيك العافيه
بشوق لجديدك
ودي لروحك

يعطيك الف الف عاافيه
ومااااقصرت ع طرحك الرااقي
وصح لساانك اخوي فاارس المبدع
ودي لك
تقبل مروري~~

وأأه يـــازين الوفـــــــاء لاصـــــــار بين العــاشقين


رووووووووووووووووووووعه
يعطيك العافيه
تسلم اناملك على الطرح الجميل والانتقاءالرائع

صحيح لا قالو رب صدفه خير من الف ميعاد, وصحيح لاقالو الحكم المستعجل ظالم, وصحيح لا قالو وما الحب الا للحبيب الاول, واصدق كلمه مما قيل ومما سيقال هي:وأأه يـــازين الوفـــــــاء لاصـــــــار بين العــاشقين .. الف شكر لك اخوي فارس الماضي على القصيده ولاعدمنا هيييك قصايد.