خذني بقلبك .. دام قلبي .. رهينك

خذني معك .. من وين ما رحت .. وياك خذني بقلبك .. دام قلبي .. رهينك && صعبه ترى لو شفت .. وشلون ابسلاك لو طفت هالعالم .. تراني سجينك && عذبتني .. واشقيت روح ٍ تمناك لو الهوى ينطق .. وربي يدينك && مات الغلا .. ينزف على درب ذكراك رغم الجفا .. لا زال .. يرجي حنينك && بعدك حياتي .. كلها ضيق .. وارباك الواقع .. اللي .. ما تمناه .. عينك && كل المشاعر .. في غيابك .. تحراك تصرخ عليك من الوله .. حيل .. وينك && مقدر على بـُـعدك .. حشى كيف فرقاك هذي الحقيقة .. خلها .. في يقينك && ادري تساومني بروعة .. مزاياك وتدري اضيع .. إليا بدالي .. جبينك && همك عذاب .. اللي نسى الناس .. لرضاك وهمي اشوفك .. مهتني .. في سنينك && لو تطلب اسنين العمر .. من فداياك سلمت لك عمري .. براحت .. يمينك && منك احتملت من الشقى فوق .. ما جاك ذقت العناء والهم .. كني ..حزينك && يكفي .. دخيلك ( حس ) باللي ترجاك لا عاش منهو .. يا حياتي .. يهينك && تعبت مالي .. بالهوى غير .. دنياك مديت لك يمناي .. عطني .. يدينك && اعاهدك .. ببقى على الحب .. منساك عهد ٍ قطعته .. بين قلبي .. وبينك

اعاهدك .. ببقى على الحب .. منساك
عهد ٍ قطعته .. بين قلبي .. وبينك

الله الله كلمات رااائعة جدآ
الله يعطيكي ألف عافية
اختي الغالية دانــــة
وألف شكر لكي

مقدر على بـُـعدك .. حشى كيف فرقاك
هذي الحقيقة .. خلها .. في يقينك

الله الله يا دانة ع الآبيات الرائعة تستحقي كل الشكر
أنتي نجمة الشعر وقوافيه
يعطيك العافية
ودي وتقديري
أسيرة

طرح وابداع متجدد من صور ملامحك الشعريه
التي تنثري دررها في ارجاء هذا القسم الذي يحيا بأطروحاتك
استاذة دانه
تقبلي وافر التقدير على جهودك العظيمه بالمنتدى
وخصوص بالقسم الشعري .. واتمنى بأن يكون هناك من القائمون
تقدير لهذا البذل والعطاء الذي تقدميه
ضامي بطوله

يعطيك الف عافية