مهم جدا الى جمهور العالمي العريق

بسم الله الرحمن الرحيم
هل من الصحيح مقاطعة المدرج النصراوي ؟؟
هل هجر مدرج النصر هل هو من الحلول؟؟
هل من المنطق ان اللاعبيين وادارة النصر لايعلمون بأن الجمهور ليس راضي على الفريق؟؟

كتبت هذا الموضوع على اساس عشقي وغيرتي على الكيان الذي عشقته منذ طفولتي الذي لم ولن افكر في تشجيع اي نادي غيره مهما كانت الظروف .

سمعنا في الايام الاخيره من بعض الجماهير النصراويه بان يهجروا المدرج لعدم رضاهم على الفريق او الاداره مما يقدمه الفريق من مستويات ونتائج لا تليق باسم الكيان النصراوي العريق .

هل صحيح ان المقاطعه للمدرج هو سيحل ازمة نادي النصر ؟؟ لالا والف لا بل سيزيد من الازمة وصعوبة حلولها .

ان قاطعنا المدرج فسوف نقول على نصرنا السلام وهذا مالا يتمناه اي مشجع نصراوي يغير ويعشق الكيان ومن اضرار مقاطعة المدرج سوف يهجر بعض المشجعين النادي وليس المدرج فقط ويتجه الى تشجيع اندية اخرى وسوف يؤدي مقاطعة المدرج الى نزول جماهرية النصر المعروف عنها الى الاقل ولا ننسى الجيل القادم من هم باعمار 7 الى 14 سنه يريدون نادي يشجعونه يفرحهم ويدخل البهجه الى صدورهم .

الفكره من الموضوع لاتقاطعو المدرج ان وقوفنا مع الفريق هو من سوف يعيد النصر الى امجاده و يلفت نظر الجيل القادم مما يزيد من شعبية النصر الجماهيريه .

فنصرنا محتاج الينا للوقوف معه سواءا بالرخاء او الشده والوقوف مع الفريق ليس صعب علينا نحن جمهور الوفاء .

كتب بواسطة: Saad aldossary

يعطيك العافيه شكرا,.

كلام اخوي في محله
المقاطعه ليست الحل
الوقوف والمسانده باذن الله الحل
يعطيك العافيه ع المقال الرائع

والله مليييت وانا اطلع من المدرج وانا اصييح

نصرنا عليه السلام من عام1995 الدوري و1998 الاسيويه ونصرنا العزيز عليه السلام ايه اقاطعهم ليش ما يتعبون على الشعار اللي هم لابسينه وش شايفين جمهور العالمي بدون احساس نشوف الانديه الاخرى تحصد الذهب واحنا كل يوم نقول اليوم لدرجة حتى بعض الناس قاموا يستهزوءن فينا بالاستراحات والمجالس انتم كل يوم تقولون السنه الجايه ليش نضحك على انفسنا اخوي؟

لما يجي فريق كبير وعالمي بمستوى النصر ويغيب عن البطولات مصيبه والله اكبر مصيبه ليش ما يقدرون تاريخ وارث هذا النادي للامانه جيل النصر الحالي ولا لاعب واحد يستحق ان يمثل الشعار وتقبل مروري

يعطيك العافيه اخوي مرور النصراويه علي كلهم مقبول

تنبيه هذا موضوعي اللي سرقه روز النصر

اخوي تشوف الصوره الي يمين فوق الي فيها صورة ولد صغير وراه شعار العالمي يسالني كل بعد مباراه وشفيك تهاوشنا وارد عليه واقوله انشاالله انه يعود وتفرح فيه انت وجيلك واحبه بين عيونه وانسي خسارة النصر بس تخيل ان كبر الولد وتذكر الموقف هذا والنصر الي الان من خساره الي اخري وش موقفه وهو ماعاش الي عشته انا من بطولات حملها ماجد والهريفي ومحيسن وافرحونا بها هل تظن انه بيشجع فريق داما خسران ابي اجابه واقعيه وليست عاطفيه مع العلم اني اعلمهم عشق النصر من الصغر ولا تقولي انشاالله بيرجع النصر لنا سنين وهو مارجع بس والله لو نبتعد لو سنه وحده بس سوف تري تغيير في النادي وسوف يرجع النصر بشكل مو طبيعي وجهة نظر واحترم وجهة نظرك واحترمك انت قبل كل شي



تـــــــــــــــــشـــــــــــــــــــكراتي

النصر سوف يعود بحول الله ولا قوة الا بالله برجوع سعود حمود والسعران