شعبية النصر في الرياض في خطر

انا من سكان مدينة الرياض ومولود فيها لم احس ان النصر

بداء يفقد شعبيته في الرياض الا من خلال السنوات الماضية

قليل ماتشاهد الاطفال او من يدرسون في المرحلة المتوسطة

يلبسون شعار نادي النصر بعكس نادي الهلال والاتحاد وبعض

الفرق الاوربية صراحة امر خطير ولا يمكن السكوت علية

او تجاهله فمدينة الرياض هي معقل نادي النصر ومن الخطاء

والخطر أن تاتي فرق من خارج مدينة الرياض وتزاحمه على

نسبة المشجعين وانا ارى أن الامر حدث بسبب ابتعاد نادي

النصر عن البطولات وعدم وجود نجوم لديهم خاصية جذب

الجمهور باستثناء سعد الحارثي وبعض الشي عند محمد السهلاوي

لذالك من المهم تحقيق النصر بطولة باسرع وقت ممكن لكي

يبقى في دائرة الضوء ولكي يلفت انتباه الجيل الجديد

وهناك حل اخر ان تبحث الادارة عن التعاقد مع لاعب اجنبي

من طينة طارق التايب يعني لاعب مهاري لكي يجذب الجمهور من

هاذه الفئة ولعلكم تذكرون اللاعب البرازيلي التون عندما حضر

كيف جذب بعض الجمهور رغم فارق امكانيات الفريق بما هو

متوفر الان لاشك ان النصر الان افضل من السابق بكثير

هذا ماحبيت ان الفت انتباه كل محبي النصر اليه ولعل هذا يصل

الى الادارة بحيث تتعامل بجد مع هذا الامر ولا تتجاهله او تكابر

لانه يهدد النصر في المستقبل من الناحية الجماهيرية

البطولات البطولات البطولات
هذا هو السبيل الوحيد لجذب الاجيال القادمة

جمهور الرياض دايما يضع مليون علامة استفهام

فقدوا حماسهم ودعمهم وايجابيتهم فلا تستغرب ان الجيل الجديد في الرياض ما يشجع النصر

البطولات سبب من الاسباب لتكوين قاعده جماهيريه لكنها مو اهم شئ خصوصا ان النصر تخطى هذا الموضوع من زمن

فريق كبير +اساطير+بطولات +تاريخ +ومجد

بجيبلك مثالين

الشباب فريق حصد بطولات وكان افضل النجوم في السعوديه فيه وانا اتكلم عن فترة العويران وفؤاد انور والمهلل

مع ذلك مازالوا يبحثون عن جمهور يدعمهم

ومثال لاخر لفريق مثل الرائد او الحزم مثلا تاريخ خالي من البطولات او حتى المناافسه

مع ذلك وراهم جمهور يبهرك بتفاعله وتشجيعه وحمااسه وتشوف منهم صغار وكبار

اعتقد ان الانتماء له دور كبير في ذلك فلو سالنا بعض من جمهور بريده مثلا

يكون مشجع نصراوي صميم لكنه يدعم كمان فريق منطقته هذ اسمه انتماء

فاعتقد ان السبب عدم تركيز حب النصر في ابنائنا

مبدا ترك الحريه لابني يشجع اللي يبغى ابدا مو ناجح

نصراوي يعني ولدي نصراوي وغير كذا ما افهم

التعليم في الصغر كالنقش على الحجر يعني الموضوع تاسيس بالنسبه للاجيال

عواافي اخوي يعطيك العافيه

وتقبل شطحاتي

المشاركة الأصلية كتبت بواسطة سلمان بن عبدالرحمن

البطولات البطولات البطولات
هذا هو السبيل الوحيد لجذب الاجيال القادمة

هلا اخوي شاكر لك مرورك وصادق البطولات بس الامر لا يتحمل تاخير لابد العمل وبشكل سريع

المشاركة الأصلية كتبت بواسطة عاشقه فارس نجد

جمهور الرياض دايما يضع مليون علامة استفهام

فقدوا حماسهم ودعمهم وايجابيتهم فلا تستغرب ان الجيل الجديد في الرياض ما يشجع النصر

البطولات سبب من الاسباب لتكوين قاعده جماهيريه لكنها مو اهم شئ خصوصا ان النصر تخطى هذا الموضوع من زمن

فريق كبير +اساطير+بطولات +تاريخ +ومجد

بجيبلك مثالين

الشباب فريق حصد بطولات وكان افضل النجوم في السعوديه فيه وانا اتكلم عن فترة العويران وفؤاد انور والمهلل

مع ذلك مازالوا يبحثون عن جمهور يدعمهم

ومثال لاخر لفريق مثل الرائد او الحزم مثلا تاريخ خالي من البطولات او حتى المناافسه

مع ذلك وراهم جمهور يبهرك بتفاعله وتشجيعه وحمااسه وتشوف منهم صغار وكبار

اعتقد ان الانتماء له دور كبير في ذلك فلو سالنا بعض من جمهور بريده مثلا

يكون مشجع نصراوي صميم لكنه يدعم كمان فريق منطقته هذ اسمه انتماء

فاعتقد ان السبب عدم تركيز حب النصر في ابنائنا

مبدا ترك الحريه لابني يشجع اللي يبغى ابدا مو ناجح

نصراوي يعني ولدي نصراوي وغير كذا ما افهم

التعليم في الصغر كالنقش على الحجر يعني الموضوع تاسيس بالنسبه للاجيال

عواافي اخوي يعطيك العافيه

وتقبل شطحاتي

كلام جميل اختي

لاكن فترة نجوم الشباب كان النصر لديه نجوم اساطير مثل ماجد والهريفي ومحيسن

وكان النصر يحقق بطولات وليس غايب عنها كما هو الان

اما بالنسبة لمنطقة القصيم بالذات لديهم ولاء وتعصب للمنطقتهم ولا يقارنون بالمناطق الاخرى

معاك حق فتره الشباب ونجومه كان عندنا اساطير

الي قصدته من الشباب ومثاله انه ممكن تكون عندك بطولات ونجوم وماتلاقي جمهور

بالنسبه لجمهور القصيم عندهم تعصب لمنطقتهم

مثلهم مثل انديه كثيره في الغربيه

ولو قلت الوحده كمثال انا شفت ناس اجيال واجيال يورثون حب الوحده لاولادهم

الموضوع لما يجي وللاسف لاعب مثل ابو عبدالاله ويقول ولدي سجل في الهلال اكيد بيصير خلل

هذا قدوة وفرط في عشقه عشان الماده والمصلحه

مثل حالته هنا احتاج الدعم المالي والاعلامي

عارف انه في الهلال بيلاقي دعم مو طبيعي اعلاميا بيخلونه اسطوره وهو صفر كانجاز هذا سبب كمان

عندنا كنصراويين اعلاميين كتاباتهم ترفع الضغط

فرغوا انفسهم للهلال وتوضيح عيوبه ولو بيكتبوا كلمه للنصر يكتبون انتقاد يسبب الخيبه وعدم التفائل مثل الدويش مثلا

ودي في كتابنا يكونون واقعيين ويصير همهم النصر وبس مو كل ما اتكلموا قالوا الهلال والهلال

الانتقاد بابه مفتوح ماقلت لا ينتقدون الغلط الموجود اللي في رياضتنا

بس مو معقول كتابنا يظهرون بمظهر المتصيدين لاخطاء الهلال وفي من يطلق عليهم متعصبين

للامانه الاعلام له دور كبير في الجذب

وانا وحده من الناس قاطعت الصحف والمقالات وحتى الكتاب ما اعرفهم كثير فتره طويله ورجعت من جديد اتابعهم ولقيت الوضع اسوء

الاعلام القوي هو اللي يصيطر سيطر بس بدعم ناديك مو محاربة غيره

خليك المبتدا ولا تضطر انك تسكت وتظهر بمظهر المدافع

اسفه خرجت كثير عن الموضوع

كلامك جدااااااا واقعي اختي ولامستي الجرح

اشكرك على طرحك الرائع تشرفت بمرروك

صراحه كلامكـ غير صحيح ..
مع احترامي لكـ .. النصر لازال له صغار ولم يفقدهم ..
صح البطولات تؤثر .. لكن نسبيا ولله الحمد
جماهير العالمي الصغيره معقوله !

انا تحتي
4 في الثانوي 2 نصراويين
واحد في الابتدائي نصراوي واحد مايدرس نصراوي ..

مو انا هنا جالس
اقول انتماء اخواني .. لكني متأكد ان
اغلب الجماهير نفس طريقتي عندهم اكثر من نصراوي صغير ..

ويمكن نسوي استفتاء
ونشوف اذا كان كلامي او كلامك صح ..
سوي استفتاء في هذا المنتدى ع الاقل وشوف بعينكـ ..
واذا انت تحضر مبارايات راح تشوفهم ..


هذي الصور
من مباراه الرياض ...
الاخير اللي حضر 3000 مشجع فقط !!

















هذي الصور
قليله بالامكان ان تشاهدها كامله
وسترى الصغار . وابحث عن صور قبل وشاهد بنفسك .
وع فكره الرياض ليست مقياسا
على شعبيه الرياض ابداً .. ولا يمكن لنادي جماهيري يكون
في المستقبل نادي ليس بجماهيري ابداً ...


لا انكر
ان اخر جيل من 10 سنوات تقريبا
ازدادت شعبيه .. الهلال بالتحديد .. والاتحاد ...
لكن النصر احتفظ بشعبيته . ولم يفقد
شيئا .. لكن الفارق بأن الهلال والاتحاد زادو والنصر
فقط احتفظ بما يملكـ . وبالطبع زاد لكن
بنسبه ضئيله جدا ...


المهم
ان تكون لك شعبيه
في الجماهير .. فالعاده تتوارث ياعزيزي .. دون
حساب ..

اشرح لكـ
في بيتنا مثلا .. اعتاد الجميع من عشرات السنوات
عندما تكون مباراه للنصر .. ان تفتح في
التلفزيون ..

كبر اخي الاصغر مني
فاصبح يتابع معي .. ثم كبر الاصغر بدأ يتابع
معنا .. ثم الاصغر بدأ معنا . والان الاخير بدأ يقف ويهتم
في مبارايات النصر اكثر منا وهو لم يدخل
في الابتدائي ..

متأكد
انا لو كنت اتحادي مثلا ( ولا اتشرف )
لاصبحو كل هؤلاء الخمسه اتحاديين . لانهم اعتادو
على شي .. فتحو عيونهم عليه ...


ولاحظ
اخواني الصغار
وابناء خالتي 4 صغار هلاليين
وجميع المغريات قدمت .. لاخواني حتى يصبحو
مثلهم ورافضين ومتمسكين بالنصر
تماما .. كما يتمسكون بعائلتهم واسمائهم ..
لانهم تشربو حب النصر فعلا ..


انا هنا
لا اتكلم عن اخواني فقط
لا متأكد ان معظم الاعضاء .. هكذا يكونون ..
مع الجيل الصغير ..



آسف ع الاطاله !

يعطيك العافيه اخوي

فعلا جمهور الرياض فشلنا في السنوات القليله الماضيه وخصوصا في مبارياتنا ضد الهلال وانا اختلف معاك جمهور النصر متواجد بكثره بالرياض لكني لاعرف سبب عزوفهم عن الحضور خصوصا امام الزعيق ؟؟؟؟؟؟