[ مت .. بَ غيابك ] !

’

ما كنت قبل أنظر لـ وجهي .. أبشكي
لـ الغيم لأجل يطيح من عينها مِزن !
شفت المرايـه شفتني .. صرت أبكي
معقول أنا إنسان مخلوق من حِزن !

ياللي وعدتك .. أحــبـك !! لين ما أموت
مت بَ غيابك وحيد : و شمعتي ذابت !

سنين ! أسولف قصيدٍ يموت .. مكبوت
مافادني / لو سطوري بَ البكاء رابت !

على سماااء دفتـري .. طيّرت لك صوت
و حمامة أصواتنـا ودّت ( ولا جابت ) !

إن كنت .. في غبّة النسيـان : مغموت
أنا بَ نزفي .. ابـلّ / جروح ما طابت !

كنَك البحر ! و ابتلع سبّاحك .. الحوت
يقتله بَ الصبر .. لكن رميته عااابت !

عرفتك !! و قلت بَ أتأملك .. بَ قنوت
و ملامحك .. هزّت ضلوعي وأنا ثابت !

وش فيك ؟ زلزلتني بَ الهجر .. و تفوت
ما خفت .. من نظرة المجروح لا خابت !

أكبر ( بخوتـي ) و لاني فيك .. مبخوت
و أصغر مشاعر ربت بشعوري وشابت !

صحراي .. جردآ زهر ! و تواعد التوت
ليه تواعد ؟؟ مع اللي .. موّت النابت !

يا السكّر .. المالح ! إذا وصلك القـوت
أرياق ذاقت عطش ملحك / ولا تابت !

وعدتك .. أبقى أحبـك ! لين ما أموت
مت بَ غيابك حنين و شمعتي ذابت !

جيت .. أخيط ( الجرح ) لكن إنفتق
جرح ثاني و أمست جروحي عرايا !
آبترك جروحي لـ حبري .. و الورق
دااام كلك ملح : كيف ألقى دوايا ؟!

لِ خالد الدعجاني