أزمة الرواتب+الام الحنونه+لاعب عآدي+أحتفاظ بالكره = النهايه فريق كالعاده برى

فريق يقدم مستويات رائعه وفجاءه ينقلب إلى الاسواء

رئيس ناادي لايجيد التهيئه النفسيه ولا حتى رجل المرحله
ولا تتوآجد بدآخله روح القياده لتحقيق الانتصاراات

$ لحظه / والله كنت أبي أكتب موضوع عن النصر يوم الاحد ولكن
أجلت الموضوع لعل وعسى يتحسن وضع الفريق والفوز على الاهلي
لكن الحين جمعت موضوعين بواحد لعل وعسى تأصل الصوره للمشجع
النصراوي العاقل والفااهم اللي يهمه النصر ..

# الحمدلله والشكر على كل حال شكلنا بنشجع الهلال والشباب
أول مره نتفق على تشجيعهم في البطوله لصالحناا

# محمد نور : تم التوقيع معه من باب التسويق للنادي بحكم أنه يملك
لاعب له تآريخ سابق حافل بالانجازات مع فريقه السابق طبعاً فيصل بن تركي
ماراح يجيب صفقه الا يخلق بداخلها خلل سلبي ماراح تجينا صفقه ايجابيه
من الصعب نجد صفقه جابها فيصل بن تركي وفيها ايجابيه أو نتفاءل بها
والامثله كثيره .

الحين محمد نور بس مبيعات قميصه يتصدرها هو تفوق الـ 100 الف ريال يعني

دخل للنادي وهذا التسويق اللي كنت أتكلم عنه فائده للنادي ينعكس بشكل سلبي
على الفريق بوجود المال نفتقد العقل ااااخ ليتنا نملك العقل بدون ماال لتحسن وضع
الفريق كثييير .

# العاام زينقا كان ماشي صح مع الفريق ومقدم مستوياات وكان قبله ديسلفا
وبعدها جاء للنصر دراقان من نادي كويتي أقل من أمكانيات نادي سعودي في
دوري ركاء مع أحترامي لهم ، السبب في اقصاء المدربين ليس النتائج
ولا البحث عن الافضل ولا الاستقرار ، الاقصاء يتحمله فيصل بن تركي
وهي عدم اعطاء العاملين في النادي الرواتب في وقتها المحدد ؟!

# راح ديسلفا وتعذروا وقالوا أنه مايقدر يجلب بطوله وبعدها زينقا وفضحهم وقال
6 شهور لم أستلم راتب ، وبعدها دراغان اللي كان بالاساس مدرب اعداد
وماقدم شيء يشفع له وزين ماسمعنا له حديث للاعلام ، الله يستر عليه مافضحنا !

# في الموسم هذا حلت علينا لعنة الاصابات لكن هذا مو عذر لنا لان النصر فريق قوي
وعنده البديل الجاهز على حسب كلام فيصل بن تركي؟؟

# فريق يلعب ويبدع ولايخسر الدوري الثاني وأخر شيء 6 شهور مايستلمون رواتب؟؟
أجل لو كل لاعب أخذ راتب في وقته أكيد راح نجيب البطولات بغض النظر عن الاصابات

لاتنسون ترى اللاعبين أستلموا رواتبهم الـ 3 شهور قبل مباراتنا مع الاهلي

كاس الملك يعني يافيصل بن تركي الحين سويت أنجاز او قدرت تهيئ اللاعبين
او بالاصح تبي تضبط نفسيات اللاعبين؟؟

# طبعاً نرجع لمباراة اليوم كآنت أسواء مباراه للنصر نظراً لاهميتها من حيث النتيجه والبطوله
باستوس وعوض خميس محمد نور / هم السبب في تعطيل الهجمه المرتده للمهاجمين
عوض يخرب هجمات على اللاعبين ويعطل اللعب
باستوس باصات طويله ولايجيد كسر التسلل
محمد نور أحتفاظ في الكره أكثر من اللازم للعلم لاعب يلعب ضدنا مو ويانا
كان من الافضل بعد اول نص ساعه تطلع عوض خميس او اقل تقدير محمد نور
واشراك فتيني مع تثبيته محور دفاع ويساند الهجمه غالب وتطلع نور وتدخل عطيف
عشان يكون اللعب سريع وتقدر تسجل وتضغط ..
اليوم غابت التهيئه النفسيه كثر الحماس الزاايد في بعض اللاعبين مع وجود
ضغوطات نفسيه للاعبين مع أستعجال لهم ولا يملكون مهارات كرة القدم
يفتقدونهااا للاسف !

# بآختصار الشوط الاول / كان ضغط أهلاوي مع ضياع لوسط النصر السيء
الاحتفاظ بالكره كان لصالح محمد نور ضد النصر ، عوض خميس
يساند الهجمه ضد الفريق ويضيع جهود اللاعبين عند المرمى
باستوس يدمر ويقتلنا في كل باص طويل ولايجيد التمرير ماعدا
تمريرة الهدف كانت رائعه فقط
باستوس لاعب جداً عاادي ولا هو اللاعب الفايف ستار ولايهون محمد نور

# عوض خميس سحب لاعب الوسط الاهلاوي وصفق له الجمهور ويبي يعيد الحركه
وصارت هجمه عكسيه على الفريق يعني احتفاظ في نص الملعب وتسحيب!
شلون تبون تجيبون بطولات ومشكلة النصر في صانع لعب ان توفر صانع
اللعب ضاع المهاجم او غياب في الوسط القوي يعني ماراح يكتمل النصر ليمتى؟؟!

# طبعاً النصر كالعااده يعطي اللاعبين زيادة مباريات في رصيدهم وخبره
وأحتكاك وفلوس والبطولات تروح من عندنااااا وهذا أكبر خطا يسويه فيصل بن تركي

????????????????????????

# السماسره هم السبب في ضياع النصر يعني معقوله ياريس لك أكثر من سنتين تشتغل
وتعمل مع سماسره معقوله ماستفدت ولا أستوعبت الدرس ؟! طبعاً لازال للتخبط بقيه
هذي مسلسل ماراح تنتهي الا لين يستقيل فيصل أو يستوعب الدرس جيداً .

# كل موسم نطلع بنفس المشااكل ولازال التطبيل العاطفي مستمر؟!

$/ سآبقى نصرآوي لو ‏آلعُمر كلهہ بلا ‏فرحهہ ..

تحياتي

هاااارد لكك <<ادري والله ملينا من كثر مانقوولها
الف شششكر ياخوووي عالطرررح الرااائع
الله يعطيك الف عاافيهه ياارب
والله مافي بعد كلاامك كلاام
صدقت بكل كلمهه قلتهاا
بصرااحهه كفيت ووفيت
اررق تقييم
تقبل مروووري اختكك
"الاميرة الصغيره"

لاتعليق

انتهى الموسم ونحن مثل كل موسم نبحث ونططرح بالحلول والاذن صماء

الف شششكر ياخوووي عالطرررح الرااائع

موضوع رائع
ان شاء الله المؤسم القادم افضل وأحلى لنصرنا الغالي
يعطيك العافية

اخي العزيز كلامك كله انيق و جميل

خط الهجوم كان متبلدا و السهلاوي الله يهديه بارد والمهاجم معروف بسرعته و قوة اندفاعه هو نقيض الراهب.

نأتي للوسط\ ابراهيم غالب كان شعلة من النشاط يحترق بالملعب و هو مثال يحتذى به.

محمد نور انقطعت منه كرتين فقط! وكان يساند الدفاع و كانت لديه تمريرات قاتله ولكن اللاعب الي يمرر له يستلم الكوره ثم يرجع او يوقف مكانه تعرف ليش؟ لان ماعندك مهاجمين يرفعون الراس لديهم سرعة الفهم او الانطلاق بدون كوره معليش مافي قتاليه باللعب. ولما نور شاف الوضع خامل بالهجوم اضطر لستعمال مهارته بالتحضين لكي ياتي اكبر عدد من لاعبين الاهلي و يخلق مساحات للهجوم ولكن ماعندك احد يقتلون الهجمه.

لايغركم الاعلام ف والله يريد الضرر بالنادي محمد نور قيمه فنيه كبيره و بعدين تحكم على اللاعب وماعندك هجوم يبيض الوجه وهذي ثاني مباراه له.

ابراهيم غالب + محمد نور + الراهب+الدفاع و خاصه محمد حسين الله يعطيكم العافيه والبقيه لاتعليق

انا صراحة ما ادري وش اقول بس الى متى تطبلون الى حسين عبدالغني
الان محمد نور مبارتين فقط صنع له اكثر من كورة وهجومك ميت وفوق هدا الكل ينتقده للآن مبارتين فقط
بينما حسين 4 مواسم وهو عرضيات في يد الحراس او في الدفاع او خارج الملعب وسيطرته على الكرات الثابته
وتمجيد فيه الى متى هل التطبيل سينفعنا ؟

شكرا على الطرح بالتوفيق للنصر بإذن الله
ولاهنت ياخوي

كل الي قلته ب اختصاره لك لو فاز النصر كان م قلت كذا حتي لو فاز متأهل مارح تقول كذا السبب الرئيس لخساره هو فلسفة المدرب ب المباراة الذهاب ثاني شئ نور مثله مثل أي لاعب حتاج وقت انت متوقع أن نور كل مباراة يبي يجيبلك هدف يعني تقبلو مروري

اتفق معاك في كل شي يا بطل الا في هالنقطة

# الحمدلله والشكر على كل حال شكلنا بنشجع الهلال والشباب
أول مره نتفق على تشجيعهم في البطوله لصالحناا

ما عمري انا او غيري من العاشقين شجعنا احد على حساب احد نادي العالمي وبس
لا يجيني احد مطفي النور ويقول يا شيخ اسيا والخرابيط الفاضية
تبي اسيا خذها بجهدك مو جهد غيرك واذا رحت اسيا وش بتسوي ؟؟ علمني خروج مبكر
برضو ما يهم الكلام هنا يطول ، انا جاي هنا اعجب بقلمك واعلق على هالنطقة
ما اشجع غيري لاجل فريقي يا تجي بجهد اللعيبة يا بلاش منها .

احترامي يا صاحبي