إيه ابدويّه لـو تزيـد المشاريـه

مدخ‘ـــل




طبـــع البـــداوه عشقـــي وميتـــه فيـــه
وكلي فخر لاقالـوا إنـي بدوـــــــــــيّـة




إيه ابدويّه آخذ الخيـر وأعطيـه


لاخير بانسان رمى ثوب ماضيـه

وبالتاليه يسعى لطمـس االهويــّه


للشمس نور يحسب إنّـه يغطيـه

ما يدري كفوفـه بنـوره خفيّـه

وأنا فدا الماضي ليا حـل طاريـه

أنسى الحياة المترفـه والشقيّـه

(( طبـــع البـــداوه عشقـــي وميتـــه فيـــه

وكلي فخر لاقالـوا إنـي بدويّـه ))




إيه ابدويّه آخذ الخيـر وأعطيـه

وأبادل المعطـي جزيـل العطّيـه

إيه ابدويّه وأزرع الطيب وأجنيـه

الطيب زرعي ما زرعت الرديّـه

إيه ابدويّه لـو تزيـد المشاريـه

ببقى على عهـد البـداوه وفيــّه

ماألاحق الموضه بسوق المسافيه

اللي لهن كل يوم روحـه وجيّـه





((الله سترني ، ثوبهم ذاك ماابيـه

لاصار تطريـزه بسلـك الخطيّـه ))

ماني من اللي أثبت العكس وأنفيه

وبيني وبين العيب حوض المنيّـه

ومانيب دلّوعه ولا قلت : (أمبيه)

ولالي على كثر الدلـع مقدريّـه

رزينه وثقلي على الخـفّ أبديـه

دام الثقـل زينـه لعقـل البنيّـه

((كرامتي نجم سطـع فـي لياليـه

ولاذلّني مخلوق ما دمـت حيّـه ))



لنفسي عليّه دين لاشـك أبوفيـه

ولا دفعت لمقتـل الخـوف ديّـه

((وأقول للي جهـل الأيـام معميـه

مولوده ، وعشت ، وبموت ابدويّه ))



مخرج

ماني من اللي أثبت العكس وأنفيه

وبيني وبين العيب حوض المنيّـه


.

ودى لاارواحكم

.

اشكرك يالغلا للابيات روعه حيل يعافيك الله راق لي ارق تقيييييييم

مشكوووووووووووره يا غاليه منووووووووره منتدى من جديد

ابيات رائع وجميله
تحتوي على شموخ واعتزاز بالذات وتفاخـــــــر
صيغ بطريقة بديعه ومثاليه
تطرقت الابيات الى مظاهر متعدده ومقارنـــــــه
بين الاعتزاز بالبدواه تمثلت صورة الاعتزاز
باللبس حتى وان لم يوكب
الموضه
طالما انه احتوى على الستر المطلوب ,,,,,,
صراحه ابيات في قمة الروعه
اشكرك على هذا الانتقاء وننتظر المزيد
من هطول اطروحاتك المتميزه
ضامي بطوله

رائع انتقاؤك

دمتى بخير

ولاهنتى