طريقةة عمل قمميص صفيرون من عملةة ورقيةة

قبل فترة حطيت بحساب الانستغرام صورة دينار على شكل قميص، وبعض المتابعين اقترحوا عرض الخطوات في الموقع… يالله هاكم!
أول شي هذي الصورة اللي حطيتها:

شرايكم فيني وانا مصورها بالآيفون؟ مرات تضبط معاي واتشقق عالنتيجة
المهم الله يسلمكم قلت اشرح الخطوات بالصور وهالمرة قلت اجرب عملة الـ10 دنانير -يعني غني يعني -
بسم الله!
كاهي العشر دنانير وبشكل عام الحركة تصير بأي نوع من العملات اللي أوراقها مستطيلة، بالنسبة لي الدينار الكويتي أحسن لأن حجم القميص النهائي يكون واقعي أكثر بس ما عليه كله يمشّي.

لما تبدي تقدر تختار الجهة اللي يبين فيها وجه القميص النهائي، انا شخصياً اخترت جهة رسمة الغواصين عالعمله، كنت متردد بينها وبين رسم الباب ومن الجهة الثانية الصقر اللي يلمع أو اسم العملة “عشرة دنانير”، هذي هي المساحات اللي ممكن تطلع مع نهاية القميص،

ولأني اخترت رسمة البحارة والغواصين قلبت العملة الصوب الثاني وبديت الشغل، شوفوا ايدي شلون واقفه تخز العشره

تصفط العملة بالنص مثل ما تشوفون، كلما تضبط الصفطه وتخليها متساوية كلما يكون شكل القميص بالنهاية أرتب ومضبوط أكثر.


بعدين تفتح العملة وتشوف الخط واضح بالنص، اخذه علامة واصفط طرف العملة عليه مثل الصورة تحت:


وهم الطرف الثاني:

بعدين تقلب العملة وتاخذ الطرف الجانبي اللي بعيد عن الرسمة المقصودة على وجه القميص – يعني انا ناوي على رسمة البحارة خذيت الطرف البعيد عنه وصفطت الطرف،
حجم الصفطه لازم انت تحسبه بنفسك باللي تشوفه يناسب “قولة” القميص، حلاته ما يكون وايد كبير ولا وايد صغير بالنص زين.
اللي مو فاهم الكلام راح يستوعب اكثر من الصور:


بعدين تصفط “القولة” بالجهة المعاكسة للصفطة السابقة كما يظهر في الصورة تحت، حاول تضبط الطرف على الخط الفاصل للعملة عشان تكون “القولة” مرتبة:

وكرر الحركة مع الطرف الثاني:

هني تبدي الصعوبة،
حاول تقسّم العملة ثلاث أجزاء متساوية من الطرف السفلي (الطرف المعاكس للقولة) إلى نقطة التقاء طرفين القولة.
إذا الأجزاء ما كانت متساوية راح يصير طول القميص مو شي حاول كثر ما تقدر تساويهم.

شوفوا شلون المفروض يطلع معاكم مع التقسيمات:

وهذا الطرف المصفوط لما نحطه تحت نقطة التقاء أطراف القولة

لما نضبط التقسيمه نحاول نروح على كسرات العملة ونضغط عليهم رايح راد عشان لما نفتح الورقة مكانها يكون مبيّن ونقدر نتعامل معاه بسهولة أكثر.
بعدين افتح العملة مرة ثانية لأنك تبي تسوي أكمام القميص، شوف الطرف اللي انا مأشر عليه بصبعي:

هني أصعب شي بالموضوع،
اعكس الصفطه في الجهة الداخلية وافتحها للخارج مثل ما تشوف بالصورة:


صعب شرح الحركة بالكلام بس شوفوا الصور وان شاء الله تكون مفهومه:



عشان يصير معاك هاللي تشوفه بالصورة:

بعدين كرر الحركة بالجهة الثانية:






المفروض هذا اللي يطلع معاك واذا خلصت من هني انت خالص وشغلك بالسليم ان شاء الله:

بس ترجع ترد العملة على صفطاتها السابقة…

.. وتحطها تحت أطراف القولة …

وهذا شكل العملة أول ما تسويها تكون متفوخة شوي وصعب تتماسك لأن الصفطات لي الحين مو ماسكه عدل ولا مضغوطه:

لما تضغط على العملة راح تشوفها أرتب:

حطها في البوك أو تحت كتاب چم ساعة ومع الوقت بتشوفها متماسكه وأحلى:


ما عليه حاولت أكتب موضوع مفيد ثاني بس كلش قافل، قلت يمكن هالسالفة السريعه يمكن تحل العقدة وارجع ان شاء الله
وسلامتكم





مننقول من ككميل
نوددآ