قلت الوداع ...

قلت الوداع .... وجاوبـت دمعـة العيـن
تجـرح .... بساتيـن الخـدود ... النديـه
واغضت .. وشفت بعينهـا الحزن .. حزنيـن
وصاحت .. على الفرقا ... انـا مـو قويـه
وجاوبتها .... ارجـوك .. تكفيـن .. تكفيـن
والله دمعك .... يشعـل النار ... فـيّـه
وقالـت ... تعاهدني .. عـهـاد المحبـيـن
الله يخـون ... اللـي يخـون ... بخويّـه
قلـت ابشري ... واللـي خلقـك لاتظنيـن
حرااااام ... ماغيرك ... عشقـت .. آدمـيـه
وقصّت شعرها ... قلت انـا .. وش تسويـن
قالـت ابـي .. مـن غرتي .... لـك هديـه
ونادتنـي الغربه ... علـى الهـم والبيـن
احسّـب الأيـااااام ... روحـه ... وجيّـه
وفي كـل ليله ... ترتسـم بيـن رمشيـن
خيالها ... بيـن الـرمـوش ... الشقـيـه
غربة سنه ... فـي ذمتـي غربـة سنيـن
متى علـى الله .. يلتقـي الحـي ... حيـه
خلاص ... هانت ... مابقـى غيـر يومـيـن
خـلالالالاص ... قفّت .. غربـةٍ جرهديـه
ورجعت .... شوقي في خفوقي ... براكيـن
ورجعـت انـا ... كلـي لها .... جاذبـيـه
وسألت ما ردّوا ... وانا اصيح هي .. وين !!!
وكلٍ نثر ... مـن داخـل العيـن ... مَيّـه
وفـي معمعـة حزني ... تلقيـت رمحيـن
قالـوا توفـت .. غافلتـهـا ... المنـيـه
وفـي غرغرتها ... ماذكرت ... غيرحرفيـن
تشهـدت بسـمـك ... شـفـاه البنـيـه
وتزاحمـت فـي داخلي ... ألـف سكـيـن
والحزن .. يطويـنـي ثمانيـن .... طـيّـه
صدمه .. وجابتنـي علىالارض .. نصفـيـن
وشلـون راحـت دون ... ذنـب وخطيـه
تكفون .... دلـونـي علىالقبر .. هالحـيـن
مـاعـااااد فيـنـي للصبر .... مقـدريـه
ووقفـت اطالـع قبرها ... بيـن نصبـيـن
وجلست .. اضـم اغلـى النصايـب عليّـه
واصيح .... وش بك يا غلا .. مـا ترديـن
اشتقـت .. همس .. إشفاهك ... النرجسـيـه
وش فيك ... جيت من السفر ... مـا تهليـن
ماهي بلك عـاده .... ولا انتـي ... رديـه
وحاولت في لحظة جنون ... اجـرح الديـن
وازيـح تـربـة قبرهـا .... فـي يـديّـه
وبالغصب شالوني ... حشـا تقـل مسكيـن
واصـرخ بهم ... والله ... والله حـيّـه
اقفت ... وتاهـت بـي جميع .. العنـاويـن
والحـزن يلعب ... داخلـي .... سامـريـه
ورجعت لـدروب الشقـا .. قبـل عاميـن
مدري مـن اللـي صـار .. فينـا ضحيـه

مماراق لي

خوقاااااات المخقووووووق المخققااااااات ياخوي
روووووووووووووعه والله شعر صرااااحه اعجبني كله الم وحزن وفراااق

يعطيك العااافيه ومااقصرت
انشااء الله نشوف ابدااعك ف المنتدى

ربي ماايحرمنااا من اشعاار رووعه منك
تقبل تحياااااتي
روح النصر (هجولة العالمي)

يسلموخيوعلى القصيده الرائعه..

اقفت ... وتاهـت بـي جميع .. العنـاويـن
والحـزن يلعب ... داخلـي .... سامـريـه
ورجعت لـدروب الشقـا .. قبـل عاميـن
مدري مـن اللـي صـار .. فينـا ضحيـه


ابيــــــــات رائعه


تسلم يمنـــــاك على الانتقاء الرااقي

لاعدمنا جديدك..

انتقاء جدا جمييل الف شكرا لك على انتقائك...

يعطيك العافية عاشق

قصيدة رائعه وانتقاء اروع

كلام جميل ومرهف الإحساس أعجبني ماخطته لنآ أناملكـ الذهبيه التي جعلتني أنظر للحياهـ بأشكال جميله ومتناغمه فعلا
كلام رائع وقيم وشيق

ابيات رائعه
يعطيك العافيه
تسلم اناملك على الطرح الجميل
لك ودي واحترامي

كلام شاعري