خل حزنك يسولف واذكر الله ونام

توّك اللحين تدري فالهوى .. والهيام ؟!
يوم جفّت - من طعونك - .. دموع الجفون !!

جاي تشكي لي همومك وقلّ المنام
تحسب إنّك إلين اللحين .. خل .. وتمون ؟!

جاي (بأصدق بدايه) .. وأنته .. (أكذب ختام)
تحسب إن الخيانه .. من تعدي .. تهون ؟!

من سهر يا (سهيري) .. لا يخاف الظلام
ومن طعن يا (غريمي) .. لا يهاب الطعون

من متى و(الجريح) يطيب عقب (الكلام) ؟!
من متى و(العيون) تحبّ (دمع العيون) ؟!

كفّ دمعك ؟! ترا توّي بديت الملام ..
يا خي بدري على الدمعات .. توهم يجون !!

لا تسولف .. ترا الفرقا تهد العظام
لا تسولف تراني صدق .. صدق امغبون

خل حزنك يسولف .. واذكر الله .. ونام
وحطّ راسك على صدر (الفراق الحنون)

وان صدفت (الهوى) قلّه : (عليك السلام)
وان صدفت (الحزن) قلّه : (عساها تهون)

انت ضيعتني عقب الجفا .. والخصام
وانت علمتني كيف الخيانه .. تكون

منت قد المسامح .. والوفا .. والغرام
أنت واجد عليك .. (تحب .. يوم .. وتخون) !!

صح لساتك ابيات اكثر من رائع

تسلم استاذي الغالي اصرار
مبدع ومميز دائمآ
الله يعطيك ألف عاااافية وألف شكر لك يالغالي

عجبنى مضمون ابياتك

أبيــــآآت رآآآئعه .. نــالت الاعـجاب و التقدير
سلمت أناملك و صـح ذووقك الراقي
دمت بكل الود وفي ترقب المزيد من الابداع

حياك الله...

سلمت يداك اكثر من الروعه