هو مطلب الجمهور ياسيدي الان (قصيده)

السلام عليكم ورحمة الله وبركاته
اسعد الله اوقاتكم بكل خير

بما اني شاعر يمكن ما اعرف اوصل صوتي بالطريقه الصحيحه الا بقصيده
سمعت كثيرا فالاونه الاخيره ان بدر المطوع بيرحل عن النادي
وهالخبر حقيقه ازعجني كثيرا
اسيوي وراح يخدمنا اكثر من الاجانب والتفريط فيه امر موجع الحقيقه
واطلب من كحيلان ومن لهم يد فالموضوع ومن بدر نفسه البقاء فالنادي

كتبت قصيده لكحيلان بخصوص هالموضوع بما انه رجع ونتحمد الله على سلامته


تكفى طلبتك واستمع ياكحيلان
بدر المطوع لايغادر هرمنا

جدد مع اللاعب قبل فوت الاوان
تراك لك وسط المواقيف يمنا

ماغير شوفة نجمنا الفذ بدران
نبيه يبني فالنصر ماهدمنا

لامن لعب نشعر براحات وامان
ياما بلعبه مذكر ان حن هزمنا

هو مطلب الجمهور ياسيدي الان
وانا اذكر كحيلان ماقد حرمنا

ماهو يقدر بدر بفلوس واثمان
تفداه كل اموالنا مع هممنا

عروض للاعب من اشكال والوان
وحنا ليا هالحين حتى ماسمنا

ياويش دل بيرو وياويش زيدان
فيهم معا بدران ماقد حلمنا

بتنتهي الفتره وشف وقتها حان
وماقد لصفقات الاجانب حسمنا

نصبر معك حتى لو ان العمر فان
حتى لو انّا منك عام انظلمنا

عشقي انا للنصر يبقى كما كان
هذي عوايدنا وهذا سلمنا

وتبقى جماهير الوفا بكل ميدان
نبطي وحنا منك ابد ماهرمنا

لو ماتتحق مطلبي ياكحيلان
من مجلسك والله زعلنا وقمنا

فهد المري

صـــــح لســـانـــك
إن شاء الله يبقى بدرااااااااااان نصراااااااوي

يارباااااااااااة يالمرى عساك دوم سالم وتسلمى ياطبعى
صح لساااااااااااااااانك عزالله انك كفوووووووو
وصلتها بطريقتك

تكفى ياسيدى تكفى

صح لسـانك يالمري .. عندي ثقة وربي بكحيلان أنه راح يجدد مع المطوع .
الله يعطيك العآآفية ومآآقصرت طبعي على المجهود الكبير الي تقدمه للمنتدى .

يعطيك الف عافيه طبووعه
وصح لسان شاعرنا
والله ثم والله بداية التصحيح
هي خطوة التجديد مع بدران واثقه كل الثقه في كحيلان وان شاءالله خير

الله يعطيك العافية اختي
وصح لسان الشاعر
الله يوفق النصر ويعدل الحال