وصلك ذهب

لا صار وصلك من ذهب ومحبتك تنسام سوم
............. رح اعشق اللي تبي تعشقه واهمل اللي تهمله !!
لا شفتني ميت ظما واشحذ من يدينك غيوم
................ في وقتها كل الكلام اللي تبي تقوله " قله "
لا جيتك ابكي من سهر ولا اشتكي من قل نوم
................ من بعدها لك حق تعمل فيني اللي تعمله !!
انا انتظرك قبال بيتك واتصل بك كل يوم
............... انا احتقر نفسي معك وارضى ولو " بالمهزله "
انا احلم بلمسة يدك واصحى على صوتك وانوم
................ انا اتحمل من جفاك اللي مااحد يستحمله !!
على بشاشة طلتك ولا على الصدر الكتوم
.................. هو فيك شي ينقبل ولا رضيت " اتقبله "
من زين قربك من حسن عشرتك من طيب السلوم
............... ناقص نظر هاوي كدر غاوي عذاب وبهذله !!
قدجيتك ابكي من سهر ولا اشتكي لك من هموم
................. قد مر يوم وشدني لمواجهك شوق" ووله "
عمري تكلمت بعتب ولا نطقت بحرف لوم
................ بيني وبينك معرفه ولا ارتبط معك بصلة !!
ماتعرف الله ما انت مسلم ماتصلي ماتصووم
................. مافيه احد سولفت له عني ولاكذبت" له "
هذا و انا اللي ماعشقتك قلت فيني هالعلوم
................. اجل لواني بعشقك وش اللي كنت بتفعله !!
مااقول لك قلبي حجرولامن العشق معصوم
................. لكن بعدمااني من اللي كل من جاه" هبله "
تزين ولاماتزين تروم ولاماتروم
.................. حنآرجال ماانخلق فينا مع الثقل عجله !!
ودك لياجيت تعشق تعشق معززومحشوم
.................... اماتجي قدالغلا ولااترك العشق" لهله "
في هالزمن مايخضع لمكرالنساءغيرالرخوم
................... الذيب مايغفل ولايرضى حدن يستغفله !!

لوتبي تشوف المرجله في حب قرم من القروم
.................. شف غيرتي لامن عذلني عاذل ووقفت" له "
مثلي ليامن جيت له بالصبر ولابالعزوم
................ في ذمتي لاانت ولااللي خلفوك تغربله !!
ماادا وياي القمروشلون اطالع بالنجوم
............. مااتعرف اني لاعشقت اعشق من الزين " اجمله "
اللي طرف جديلته تسوى شوارب رووس قوم
................. هذا اللي لامني بغيت اشتاق صدق اشتقت له !!
هذاك احضرلموعده لواني على الموت معزوم
.................. هذاك احقر اللي يحقره واخذل اللي" يخذله "
اللي لياكف المساء كانه وكن الشمس توم
.................... وان ضفه الصدرورسى يايقتله يايقتله !!
على كثرمااعشق عدله كثرمااعشقه ظلوم
................... وعلى كثرمااكنت اعرفه كثرماكنت " اجهله "
ان عاتبك مثل الخوي وان حاسبك مثل الخصوم
.................. صعبن بغيت استصعبه سهلن بغيت استسهله !!
وصلت له ولا وصلت الا بعد فرك الخشوم
................... ضيعت له عمري وهو ضيع معي" مستقبله "
حققت في محبته مافاق تحقيق الحلوم
.................. وعملت معه اللي مااحد قبلي من الناس عمله !!
مافيه عاشق دام صدقه مثل ماصدقي يدوم
.................. وما بالرجال الذي وصل ربع الذي وصلت" له"
ان ما وقف حظي عشانه جعل حظي ما يقوم
..................... في هالزمن من لا يدسم شاربه لا يفتله !!
ولا انت لا مني بغيتك جبت من شرواك كوم
...................... اليابغى بالزين ولا لابغى" بالمنزله"
من خان مره بالعمرماهو بعيد يخون دووووووم
................. ومن بادر الناس بزعل يسهل على الناس زعله !!
دام الغلاما يستحق من القلوب الا الرحوم
.................. ان طعتني خلك في حالك واترك العشق" لهله "
من لاتستربالحيا مايستره لبس الهدوم
.................. ومن لايزلزله الخجل مافيه شي يزلزله !!
لاصاروصلك من ذهب ومقابلك ينسام سوم
.................. روح اعشق اللي تبي تعشقه واهمل اللي" تهمله "
لي شفت لي دمعة رجا بالجفن ولابالكموم
..................... في وقتها كل الكلآم اللي تبي تقوله قله !!
لي جيتك ابكي من سهر ولااشتكي من قل نووم
..................... لك حق تعمل من بعدهافيني اللي " تعمله "

من أقوى قصايد الداهية حامد زيد

من اقواها واجمل ومليااان حكم وقوانين وكوكتيل يعني ^^
خطير والله حامد زيد صار من الاوائل عندي من ابداعه وكلمته وابياته الموزونه
سهل و صعب في ذذات الوقت عجيب
يسلمو ويعطيك العافيه

فعلآلآ جميييله جدآآ

سلمت يدكـ على النقل الرااائع

االله يعطييكـ االف عاافيه

ي رووووووعة حااامد وكلمات حامد وقصايد حامد وكل حامد
يسلمووو ايديكك ويعطيكك الف عاافيه م ننحرمش

روعه اشكرك اخوي لاهنت يعطيك العافيه
جدا رااقت لي

أنرتوا الموضوع جميعاً
لا عدمنا الطلّة

ابيات جميله تشكر على إنتقائك مشرفنا المميز سلطان النصر

الف شكر لك اخوي سلطان ومن هنا بنسميك سفير ابداعات الشاعر الكبير حامد زيد... شكرا لك مره اخرى والى الامام,,...

شاعر ممتاز ماهو هين حامد زيد بس اللي ما يعجبني بقصائده كثرة الانا( اللي تدل على الغرور والتعالي) بس ما ننكر ولا يقدر يشخص يجحد فنه بالشعر

يعطيك العافيه على القصدية الاكثر من رائعه

أشكركم جميعاً عالمرور
شهادة أعتز فيها أخوي نصراوي العصر
سعدت بتواجدكم