بنت الخيال

قصيدة بنت الخيال

بنت الخيال .. الواقع .. المستحيله
مرّت .. على بال : الأماني والأحلام
إحتجتها .. مع إنها قبل ، ليله
معاي .. وأحسبها قبل ( عشرة أيام )
الناعمة .. أم الكثير .. القليله
الأوله .. أو بالأصح : كل الأرقام
إذا أقبلت قدام عينك .. نحيله
وإذا أدبرت ، مالك سوى : جرّ الأنسام
تمشي .. تحس إن الخطاوي : بخيله
توقف .. تقول : البخل أحياناً [ إكرام ] !
حتى الحكي لاسولفت .. عزتي له
يذوب مابين : [ الحيا ، والتبسّام ]
السالفه لو هي قصيره ، طويله
( شمعة سهر .. بين الأحبّه والأنغام )
عابر .. لمح في مهمهتها : سبيله
تقول له : قدام .. ويقول : قدام
ويقول لاشحّ الحكي من مسيله
قصايدي .. في وجهك البدري خزام !
شاعر يدوّر في وصوفك .. وسيله
يوصل رغم [ ظلم الصحافة والإعلام ] !
من وين ماوجهّتي .. بتسمعيله
لو المساكن [ طين وعششّ وخيام ] !
يالملهمه وإن كان .. مافيك حيله
مرّي ، على بال : الأماني والأحلام
وانا مع الأيام .. راعي طويله
قاعد على قلب الليالي ولا أنام !!

الله عليك اخوي ديل بيرو على الانتقاء الجميل لك الود والاحترام والى الامام...

يعطيك العاافيه اخوي ومااقصرت
انتظر جديدك لآهنت