مهم وضروري وعاجل للجميع .

بسم الله الرحمن الرحيم ..
كُل عام والجميع بخير للمره المليون والله يعيده
علينا وعليكم دايم وابد بسعاده وسرور .

( ابي الكل يقرأ الموضوع كاملا )




هالمره
اسمحو لي اخواني اتكلم معكم عن شي
شاهدته , هو كثره شكاوي البعض عن نقل المواضيع مثلا او حذفها او من هالامور .. وانا ابين للجميع ان المجال مفتوح للجميع بكتابه مايشاء لكن بشرط انه يخص النصر بس . واقول ان اي موضوع مايخص النصر بينقل للمكان المناسب , هذا اللي نسويه احنا . فمثلا لو احد نزل مووضوع عن سلامه الملك عبدالله ونقلناه للقسم العام لايزعل لان الملك عبدالله ماله علاقه , بهذا القسم , ولما تنقل موضوع يزعل ليش وليش وليش ؟


الشي الثاني
انا اتكلم معكم عن شي بعد شفته ومن زمان اشوفه , هو نقل المواضيع بكثره , فأي خبر يكتب بموضوع , ويفرد له موضوع لما يدخل الواحد يشوف 80 % من المواضيع كلها اخبار من صحف . يعني اتوقع هالشي يضر في القسم النصراوي كثير , فاتمنى اننا نكتفي باخبار الصحف بس . لهذا اقول للجميع اي خبر من صحيفه سوف يدمج مع اخبار الصحف تلقائيا .. ولا احد يزعل من هالشي . فالمنتدى وجد لابداعكم انتم وليس لنقل ابداع الاخرين .


والشي الثالث
كثره نقل المقالات من جميع الاطياف . فهذا ينقل من منتدى والثاني ينقل من صحيفه , يعني صار الوضع ملخبط والكل ينقل من جهه , واصبح منتدنا يهتم بالمنقول اكثر من صناعه نفسه بنفسه , وهالشي يعيق تقدمنا كثير . وكثير مره .. انا ماقول ممنوع المنقول . لكن ودنا نخفف منه الى ان نستغني عنه ان شاءالله بالفتره القادمه , يعني الواحد ينقل افضل افضل شي ولا يكثر بعد 1 او 2 في اليوم وكفايه , لان الوضع مثل مانتم تشوفون اصبح ممل جدا ..


انا اتكلم مع الجميع
وش اللي ينقصنا احنا طيب ؟ ليش مانكتب احنا ؟ وليش مانتفاعل مع بعض ؟ وليش مانشارك مع بعض ؟ هذا يجيب فكره والثاني يكتب موضوع والثالث يشارك معهم ؟ وفلان يقترح . والاخر يطبق الاقتراح .. ونكون احنا اصل الابداع . واحنا اللي ننشر الابداع في كل مكان , وبدل ماننقل من المنتديات والاماكن الثانيه , هم ينقلون منا وينشرونها في المنتديات .. كلنا نقدر نكتب , وكلنا نقدر نجيب افكار , واحنا افضل من غيرنا بمليون مره . بس المشكله تعودنا اننا ننقل مواضيع . وننقل افكار الاخرين , ماحاولنا لمجرد المحاوله اننا نفكر احنا ونكتب احنا ونتفاعل ونشارك بكل شي ..


كلامي هذا
مو لأني مشرف وبطبق قوانين وانها قوانين
لا هو كلام لنا كلنا , نبي ننسى شي اسمه نقل . نبي نخلق الابداع احنا . ونبي الكل يتفاعل مع كل شي . نبي القسم النصراوي يكون مساهم مع النصر بافكارنا احنا مو افكار غيرنا . احنا قادرين اننا نوصل للمراتب الاولى . بشرط ان يكون الجميع هنا عنده الرغبه والاصرار . ويعطينا من ابداعه . في النهايه احنا مثل بعض كلنا , لكن في احد اعطى نفسه المجال انه يكتب ووصل .. وفيه ناس لا للحين ماخذو الفرصه .. هنا نداء للجميع .. نداء لكل من يريد ان يصل معنا للعلا .. لنبدأ من اليوم .. ومن هذه اللحظه . نبتعد عن المنقول . وعن شكرا . وعن مشكور . نبدأ بافكارنا وتفاعلنا , ونناقش . وتكلم ونحاور . وكل شي نفعله ..

لاحد يخاف من شي
كلنا معه , وكلنا بنساعده , وكلنا بنوقف معه .
يفشل مره مصيره ينجح في الجاي ..


نتقبل كل شي
منكم , اقتراح , فكره , نساعد الجميع
بكل شي نستطيع , ونقف مع الجميع , اداره ومراقبين ومشرفين كلهم يقفون معكم .. ولاني مهتم بالصوت النصراوي اقول للجميع اتقبل كل كل شي منكم , وساقف مع الجميع وادعم الجميع بكل شي استطيع ان افعله , سواء استشاره لموضوع , او لفكره , او اقتراح , لاحد يتتردد الخاص مفتوح , وايميلي موجود ..


الان كتبت الموضوع
من يرد على هذا الموضوع ( اتمنى ان يرد بأنه على استعداد ) بتطبيق ماجاء فيه من اول رد
له هنا ..


هذه ليست قوانين
انما خطاب لأجل الرقي والوصول للقمه !

يعطيك الف عافية مشرفنا الرائع كورة بالقائم .

كما ذكرت يجب أن يكون طرحنا للمواضيع أكثر من نقلنا لموضوع أخر .

لاشي يسمى مستحيل نستطيع أن طرح رأينا والجميع بإمكانة أن يكتب ويتألق ويبدع

الله يوفقكم جميعا

اشكرك على اريحيتك
وحرصك على الارتقاء بالقسم
وان شاء الله راح نعمل معا لنكون بالصدارة دائما

خطوة مميزة

مشكور مشرفنا فواصل فأنت من أشـــرقت هذا القسم بحبك وتفاعلك اشكرك جزيل الشكر

مبدع بارك الله فيك تقبل مروري وأحترامي

مشرفنا المتالق وكاتبنا المميز اخي كوره بالقائم
اتفق معك تماما
وصدقني بان الابداع نتاج نصراوي ولا غرابة فيه
وسجلني اول المتقيدين بما ورد في خطابك
اشكرك واوكد باسم ادارة المنتدى باننا نرحب باي ملاحظات او اقتراحات او نقد هادف وكلنا اذان صاغيه ومنفذين لرغباتكم باذن الله

جميل أخوي, وانا افضل ان لا نكون ناقلين فقط, بل صانعين محاورين..

السلام عليكم ورحمة الله وبركاته..

موضوع كان يشغلني ويشغل مدير عام المنتدى اخي اسير النصر ..

حتى افردنا هنا قبل انضمام المشرف المميز والعبقري كوره بالقائم عدّة افكار من شأنها تطوير المنتدى ونزع كلمة منقول عنه...

لا اخفيكم انه في السابق لاتجد سوى موضوعين من ابداع كاتبهم هنا او ثلاثه والبقيه منقول..ومن هذا القبيل..

الآن اجد الوضع تطوّر ورغم تطوره نطمح الى القمه..

انا هنا لا اجد حرجاً لأحد لو كتب فكرته وصاغها بغض النظر عن الأسلوب ..فالأسلوب يتطور بكثرة المحاولات والتجارب..

شاهدت هنا الكثير من الكتاب في البدايه كان اسلوبهم ليس كماهو عيه الآن..

اصبح الأن اكثر نضجاً وفكرته يوصلها كعزف الموسيقار ..
ولكن هي المحاوله تلو الاخرى تلو لاأخرى و سيصل..

لا اجد حرجاً في ذكر اسم اختنا الكاتبه العالميه(عالمية الهوى)!

كيف بدأت هنا وانظروا اليها الآن الى اين وصلت ويعلم الله ان مقالاتها عندي تصل الى مقالات الكاتبه( الجفول) وتتفوق عليها.

انا هنا لا اذكر مثالاً محدداً لكن من اجل ان تعلموا ان لا احد يبدأ كاتب بل الأنسان يبدأ مشوار الألف ميل بخطوه!

انا اشد على يدك ياكوره بالقائم ومستعد للمساعده واي عضو يريد استشاره او يحاول ان يكتب موضوع ولا يسطيع تجميع افكاره فالخاص مفتوح..

ويتأكد بأن لن يعلم احد ان احداً ساعده في موضوعه ..هنا حفرنا وهنا دفنّا!!

ارجو ان يصل الصوت النصراوي الى ماهو المأمول منه وابداعنا ينهل منه البقيه..

دمتم بنصر

بخصوصي أنا أؤيد ماجاء بهاذه التدوينه الهامه

فحري بالجميع إطلاق العنان لأقلامهم لتزهر بهاذا أقسام المنتدى
ولنقطف منها ثمار الإبداع والتميز
((شكرالك خيوه كوره بالقدم ع الطرح المميز))

سلمتم وسلمت يمناكم يا عشاق العالمي
فعلاً وأبشرو باللي يسركم تأمرون أمر
هدفنا الأول والأهم الأرتقاء بمنتدانا وتطويره
وأن يكون من أهم المنتديات النصراويه
موضوع يستحق التثبيت ليقرأه الجميع
أخوي كوره بالقائم كل الشكر والتقدير لجهودك الخرافيه والجباره هنا بقسم الصوت

ابشراخوي كوره بالقائم انت تامرامر
الله يوفقك ويسعدك على حرصك وجهودك الرائعه
لك مااردت واتمنى ان نكون مصدر
للمنتديات الاخرى بمواضيعنا المميزه
بحيث ينقل مالدينا ولا ننقل من الغير
باذن الله نعمل على التقليل من المواضيع المنقوله
مشكور اخوي للمره الثانيه على حرصك الرائع
واهتمامك الكبيرالله يوفقك ويسددخطاك