يالفاتنه, يالطاهره , يالاصيله

يالفاتنه, يالطاهره , يالاصيله
يالناعمه , يالهاديه , يالخجوله
يالظامره , يالراويه , يالطويله
يالناعسه , ياأم الرموش الكسوله
يالمقبله صبحٍ تعب منه / ليله
يالمقفيه ليلٍ يعيبه / خموله
تمشين , أقول ان الوطا فيه "ميله"
واذا وقفتي , قلت "منهو يقوله؟ "
وجهك يسولف عن كثيره / قليله
والقل فاضح للاوادم فضوله
اذا تكلمتي أعدك بخيله
حتى كلامك مايجي بالسهوله
ولا حروفك مالها فيك حيله
تمرّ شفّتك وتطيح "مهبوله"
اذا تبسمتي بروق المخيله
تعب يدرّسها الزمان ل فصوله
ضحكتك سيل و في عروقي مسيله
يالله لا تحرم فياضي وصوله
والأزرق اللي فوق جسمك يشيله
وده يسولف عن هناه وذهوله
كنه (سماء) لولا شجره ونخيله
كنه (بحر) وانتي محَاره ولوله
فيك الطباع الطاهرات , الفضيله
فيك الصفات المغويات , المهوله
أحيان , اشوفك كايده مستحيله
واحيان , أشوفك مقبله لي عجوله
الله يسماح طلتك يالأصيله
لا قلت شيء ولا تمنيت أقوله

بسم الله


سلمت يدك

اخى اصرار

رائعة تلك الكلمات التي خطها قلمك
سلمت يداك على هذا الطرح الجميل

ذووقك واختيا رك رائع

بارك الله فيكم للمرور

لاهنتم

مبدع ومتميز استاذي الغالي اصرار
وفقك الله وحفظك ورعاك

لاهنتم للمرور

يسلمو الايادى


الدانه