:: الرمح غالي و الفريسة ذبابة ::

بسم الله الرحمن الرحيم


عودة إلى عشقي قسم الشعر و الخواطر بعد غيبة طويلة




هذا الخطا اللي ما توقعـت يخطيـه
شف كيف كشر طيـب القلـب نابـه
أثر الحسد لا عشعش بصدر راعيه
يزرع مـن قلـوب الحبايـب ذيابـه
اللي تعلـم مـن سكوتـي تماديـه
علَمنـي استقبـل خطـاه برحـابـه
والواجب انه لو جحد فزعتي فيـه
ما يجحد حقـوق النسـب والقرابـه
وانا اللي يوم ان المصايـب تبكيـه
كنت أقرب إله بضيقتـه مـن ثيابـه
ٍاللي تعـاف أولـه. ينعـاف تاليـه
وأنا كفا صدري من الحزن مـا بـه
من لا وقف لي وقفة رجال.. ما ابيه
يغني عـن حضـور المقفـي غيابـه
من لا فزع بالكايدة مع بنـي خيـه
وقت الرخا ما يحسب حسـاب لابـه
علمت غيري كيف لاصـد ماجيـه
وانـا تعلمـت الصبـر والصـلابـه
اصد والضحكه من هنيه من هنيـه
وازداد بوقوعـي شمـوخ ومهـابـه
لأن الكتوم إن ما لقى مـن يواسيـه
إن ما نشدتـه مـا علمـت بمصابـه
ليه استغيث في جاه مخلوق وادعيه
واللمبتلـي ساعـة دعـا مستجـابـه
لي صار بعدي عن رفيقي بيرضيـه
نـذر علـي انـي فـلا اطـق بابـه
الضعف ما طيقه ولا أطيق طاريـه
والدمـع مـا يرقـى ولا ينرقـا بـه
إن ما جمعت وجيه ماأفرق وجيـه
ومـن لا بنيتـه ماسعيـت لخـرابـه
مثلـي يعيـش برفعتـه وبمعاليـه
وان طاح طاح من الثـرى للسحابـه
قناعة اللـي كسـرة الخبـز تغنيـه
وشجاعة اللي مـا يخـاف المجابـه
بدري علي احسب حسابه واحاتيـه
وبدري عليـه يشيلنـي مـن حسابـه
كأنـي عتقتـه بأعتقـه رأفـةٍ فيـه
بعض العرب معزتـك فـي اجتنابـه
ماهو على شانه عشـان المشاريـه
صرت احتمل زلات حضرت جنابـه
وانا لواني باألتفـت باألتفـت ليـه
الرمـح غالـي والفريسـه ذبـابـه
اليا كسر في خاطرك شخص تغليـه
حتى المعاتـب تستحـي مـن عتابـه
اللي سكن صدري من الحزن يكفيه
ملـت تفاصيلـي سكـوت ورتـابـه
شف من متى وانا اتحمـل بلاويـه
واليا متى وانا احتـرق مـن عذابـه
احزان تنثرنـي مـن التيـه للتيـه
واحـزان تجمعنـي كـآبـه كـآبـه
كـان احترامـي للقرابـه مجريـه
ياشيـخ ملعـون امهـا مـن قرابـه
من لا يراعـي خوتـك لا تراعيـه
ومـن لا يقـدر هيبتـك لا تهـابـه
لو كل مخطي بستحي منه وارضيه
بطيح في ايديـن الـردي و الزلابـه
من هالدقيقه عطف واخلاص مافيـه
والله لـبـدل طيبـتـي بالـطـلابـه
ياهيه مثلـي مايقولـون لـه هيـه
مثلي يخاطـب بإحتـرام و الذرابـه
اللي بيدخل فـي مزاجـي بسويـه
واخاطـب الغـظ الغليـظ بخطـابـه
مثل الغلا اللي بأخذه منـه بعطيـه
يسمع جوابي مثل’.. ما اسمع جوابـه
وانا ليا من قلت لي قـول.. يوفيـه
و مثلي لا مـن وكـد العلـم جابـه
سمه تحـدي سمـه اللـي تسميـه
بس الوكـاد انـه مهـوب استجابـه
اللي مهـب قـد المواجـه يخليـه
ومن لا قـدرت تهيبـه منـك هابـه
الله يعـز وجيـه ويطمـن وجيـه
وحنا بشر لكـن بشـر وسـط غابـه
ومن لا فزع بالكايده مع بنـي خيـه
وقت الرخا ما يحسب حسـاب لابـه

صح لسان قايلها ... ومشكور على الموضوع

هلا بك منور مشرفنا ^^
روعه ابيات ولاهنت ياخوي
يعافيك يارب راق لي

عدت والعود احمد بقصيده شامخه للشاعر الكبير حامد زيد الف الف شكر اخوي ولاهنت...

الله يعطيك ألف ألف عافيه مشرفنا الغالي سلطان النصر على النص الجميل ،،

بالفعل إشتقنا لإطروحاتك الرآئعه دوماً

ألف شكر لك

قصيدة رائعه اختيار موفق
يعطيك العافية اخوي

يامرحبا ترحيب يكتب بالانـوار
والنور عم المنتدى مع حظـوره
اسمك مثل برق يبشر بالامطـار
والقلب بوجودك تزايد سـروره

الغالي سلطان
عوده حميدة ومبروك النجاح وعقبال مانبارك لك بالتخرج ان شاء الله
تحياتي لك
جوجل

المشاركة الأصلية كتبت بواسطة نصراوي جده

صح لسان قايلها ... ومشكور على الموضوع

سلمت و سلم لي مرورك الجميل ^_^ أهلاً

المشاركة الأصلية كتبت بواسطة روحي العالمي

هلا بك منور مشرفنا ^^
روعه ابيات ولاهنت ياخوي
يعافيك يارب راق لي

نورك يا روحي العالمي
حياك و بياك ^_^

المشاركة الأصلية كتبت بواسطة نصراوي العصر

عدت والعود احمد بقصيده شامخه للشاعر الكبير حامد زيد الف الف شكر اخوي ولاهنت...

العفو طال عمرك .. وجودك شرف عزيزي ^_^ أهلاً

المشاركة الأصلية كتبت بواسطة wolfpac

الله يعطيك ألف ألف عافيه مشرفنا الغالي سلطان النصر على النص الجميل ،،

بالفعل إشتقنا لإطروحاتك الرآئعه دوماً

ألف شكر لك

حيالله الشيخ ولف الذيب
ما تغلي الا مغليك ي بعدي .. منوّر ^_^

المشاركة الأصلية كتبت بواسطة اوكسيجين

قصيدة رائعه اختيار موفق
يعطيك العافية اخوي

مرورك زادها روعة ^_^ أهلاً

المشاركة الأصلية كتبت بواسطة جوجل

يامرحبا ترحيب يكتب بالانـوار
والنور عم المنتدى مع حظـوره
اسمك مثل برق يبشر بالامطـار
والقلب بوجودك تزايد سـروره

الغالي سلطان
عوده حميدة ومبروك النجاح وعقبال مانبارك لك بالتخرج ان شاء الله
تحياتي لك
جوجل

ماذا عساي أن أقول يا أبا الجواجل
أخو و عزيز و غالي ^_^
الله يبارك فيك و يخليك .. جعلك تسلم ي بعدي
حي الله هالطلّة الزيننة ^_^



مروركم أسعدني .. أسعدكم الباري
^_^