خــلاص مالي بالعنــا والغرابيل

خــلاص مالي بالعنــا والغرابيل


. . . . . . يكفيني اللـي من زمـــــانـــي رمـــــانــي

مافيــه داعي انقهر واسهر الليل


. . . . . . ومافيـــه داعــي عـــايــشٍ بالأمــــــــانـي

ومافيه داعي اتعب الحيل بالشيل


. . . . . . ومافيـه داعي احسب حساب ثـــاني

ابي اعيش اليوم من دون تعطيل


. . . . . . وماكان لي مقسوم يعــرف مكـــــاني

انا علـــى ماقيل واجهت مــاقـيل


. . . . . . وبالظبط من عشره أخذت الثمـــــاني

كنت الغشيم وتهت بين المراسـيل


. . . . . . وفي دائرة غيري توهـق حنــــــــــــــاني

أن قالت أنت اخطيت من دون تأجيل


. . . . . . ألــوم نفسـي لو كلامــــــــــــه كـــــــــــواني

تمشي لي عشر أمتار وامشي لها ميل


. . . . . . واقـــول في خانة رضاها عســـــــــــاني

واقف على جرفٍ حفر ساسه السيل


. . . . . . وانهـــار من تحتي وربي وقــــــــــــــاني

مابي اقول اكثر بعد فــــــوق هالقيل


. . . . . . مـاقـل دل ومــــــــاذكــرتــــــــه كفــــــــــــاني

اللي وصلني أقبله دون تعـــديل


. . . . . . ويكفي عبث في حــــالتي يـازمــــــاني

شعر / فضي الهدباني

أبيات جميلة
صح لسان شاعرها و سلمت الايادي
روحي العالمي
ألف شكر
^_^

ابيااات حلوه راقت لي

يسلمووو حبيبتي

شكرا والله لتواجد منورين حيل
ودي,

الله يعطيك الف عافيه غلاتي
ابيات في غاية الروعه تسلم الايادي ع النقل لاهنتي قلبي

منوره غاليتي يسعدك يارب ولاهنتي
ودي,

روووووعه يسلمووووو

مرورك الاروع
العفو يسعدك يارب
ودي,

ياسلام .. ياسلام .. مبدعه حتى بالشعر ... صح لسان شاعرها .. ويسلم يدين ناقلتها .. لاهنتي اختي ... ارق تقييم ..