أرهج فتيل القاف وأشعل سراجه

ارهج فتيل القاف واشعل سراجه
ناوي على عسف الطواريق مسرا
اغدي جروح الوقت نلقى علاجه
والا السلامه بعض الاحيان تشرا
هبت ولكن تاليتها عجاجه
في ليلةٍ ياحادي العلم غدرا
نجهل ظروف الصبح قبل انبلاجه
واليا انبلج ياناطح الرد حذرا
انا معك رغم العنا وانخلاجه
وانا معك واكتب على الطرس بشرى
(مضمونها) زل العتب من خراجه
(مكنونها) مايندرا غيب بكرا
دام الصراحه بالنهايه سماجه
لاعاد تشره والمعاليق تقرا
نفس العوج دايم تشوف العواجه
اما رجل والا بعد كان عذرا
افضل طبيعه...في عيونه وتاجه
والناس دونه مالها حق يطرى
كانه تعدّل من غثاهم مزاجه
الطيب يبقى بالزمن دوم ذكرى
والا الردى ماينطلق به حجاجه
راعيه والله خوته كيف تشرا
ياعل مالي عند الانذال حاجه
وألا بعد فضل ٍ ورا نفس قشرا


,راق لي

بقلم

عمر الهمزاني

دمتي متألقه اختي هجوله ولا هنت....

انت التألق اشكرك لمرور بموضوعي لاهنت

ابيات رائعه
يسلموووويالغلا ع الاختيار

مشكورة وتقبلي مرور ي

شكرا لتواجد طبعي ونمران لاهنتم

آبيآت جميله صح لسسآن قايلهآآ ..
يعطيكك العإأآفيهه هجوله ..

يعافيك ربي منور لاهنت اشكرك