الضيقه....!

الضيقه اللي شرها يقعد ايام=وتكثر على قلب المعنا سهومه
لامرت اللي يعشق الصيد قدام=حزة عشا طيره تزود همومه
وقت المقيض وبه هل الطير صيّام=وطرا لقلبه زين طيره وحومه
ولا مرت اللي مثل الحين ما رام=كثرت تعاليق القلوب الهيومه
يصير من ربعه ونفسه عكس لام=ويمل حتى من عيال العمومه
ويمل من كثر العرب واول الزام=ويضيق لامنه ذكر طول يومه
ويصاحبه مع الزمن كثر الاوهام=ومن ضيقته ماعاد يقضي لزومه
ويخاف لا تنقد خواله والاعمام=اذا اجبره وقته يخالف سلومه
هذي هي اللي شرها يقعد ايام=وتزود مع هموم قلبي سهومه
الضيقه اللي كل من حسها صام=من شوفة العالم وسجو علومه
ولا لنا غير الدعا كلما حام=الضيق في صدري وكبرت ردومه
يالله تحفظنا من كثار الاوهام=ويالله جارك لا نطيع الظلومه...

الله يبعد عنك كل ضيقه
تسلم يمناك أخوي

ابيات رائعه
يعطيك العافيه عالكلمات الرووعــــه ..
ودي

يسلموو خيوو ع الانتقاء

شاكر للجميع المرور والله يبعدنا عنا وعنكم الضيقه ان شاء الله

يالله تحـفـظـنـا مــــن كــثــار الاوهــــام

ويالله جــارك لا نطـيـع الظـلـومـه...

آميـــــــــــــــن ...

يعطيك العافية ..

امين الله يبعدعنا وعن الجميع الضيقه
يعطيك العافيه
طرح رائع من شاعرناالرائع
تسلم اناملك على الطرح الجميل
لك ودي واحترامي