جمهور المجاملات والعاطفه

اسف اخواني جماهير النصر بصراحه من مباراه الفتح وانا اقرا في جميع المنتديات النصروايه تعليقات ومبررات كل واحد يبرر لواحد من الاعبين ويبرر للبس واي واحد ينزل موضوع نقد على النصر والعيبه تاخذون الشغله انه يقصد فيها شي وانه بيهبط عزيمه سعد والا السهلاوي مع ان الاثنين مثلا ماسوو شي ومثل كل اللعيبه في مباراه الفتح ثاني شي ليه ماانكون حنا نعاقب الاعبين والاداره بعدم حضورنا بعدم تصويتنا عدم حضوم التمرين وا معجبكم النصر ماافي شي في النصر يبشر بخيرزمان كان فيه مدربين وماافي لعيبه واليوم لعيبه من دون مدربين الموسم الي فات دسلفا واليوم الطبخ زينقا والله اعلم من بكره ليه ماايستمر باوزا ليش ماايجي مدربين اكفاء شوفوا الانديه الثانيه كيف تشتغل الهلال قايم على لاعبين اجانب ومدرب بس لاعبين سعوديين لعيبتنا افضل كل لاعب كويس عندنا نسوي له اعاره ليش نروح نجيب الجيزاني ضهير وشراحيلي عندنا نروح نجيب الخيبري وعندنا احمد سعد ليه ماانعطي الصغار فرصه كل شغلنا بس كم كان عندنا لاعبين شباب كويسين وين راحوا رموهم بالالومبي وجابو مدرب تعبان وانهوا الاعبين ماعادا غالب ديسلفا طلعه وزينقا بينهيه واللله في قلبي قهر وكلام واجد بس ياليت نكون صريحين مع انفسنا شوفوا الدويش من حبه للنصر كيف نقدهم وشوفوا ردود الجماهير عليه سب وشتم ليش لانه قال الصدق والصراحه لانه يحب النصر وماايطبل يعني معجبكم الملحم والا الفرحان

اسمحلي اقولها واعتبرني مطبلا فالنصر الفريق الوحيد الذي يقدم كره جميله

وينافس وهو بدون اجانب ماعدا بيتري

لذا انا مع الانتقاد المتعقل والذي يشخص الواقع ولست مع السخريه والتجريح

شكرا لك

ثق تماماً أن من يريد الخير للنصر


فالخير كل الخير بالبقاء معه


إن كان منتصراً فهو ليس بحاجة لنا

وإن كان خاسراً متضرراً فهو أحوج لنا من أي وقتٍ آخر


معاك يا نصر لآخر المشوار

خذني يمينك وابشر بذرب الأفعال
لأمشي معك لو وين كان انجرافي

أقسم قسم انك على الراس تنشال
خذ من قصيدي وشوف جل اعترافي

مشكوووووور والله يعطيك الف عافيه

لايالغالى لا
العالمى بخير لاتنشغل علية
والعالمى انسى نتركة وحيد مهما كانت الظروف
بل على العكس سنقف معاة كل محتاجنا
وسنصوت للاعبينا
وندعم ادارتنا وتوجهاتها
فنحن جمهور الوفاء ولسنا جمهور مجاملات

هذي المشكله الفريق مهزوم والا متعادل وافضل لاعب من عندنا ويجي له خمسين الف وهو محرق اعصابنا لاتعليق صراحه