القلوب البيض جدا نادره !!!!!!

دارت الدنيا وتبيني [ أعذرك] !
__________ نامت عيوني وعينك >ساهره



إنت لي ماضي ومابي ..أذكرك
__________ و الغلط وياك ... ماني مكرره




قلت لك إحذر غرورك يكسرك
__________ ومن يحبّك واجب إنت تقَدّره




قبل لا تفكّر تهاجر بـ أهجرك
__________ وعدّني غيمة حنان .. مهاجره







مثل ماجَمّعتك أقدر[ أ ن ث ر ك ]
__________ يعني راسك لو رفعته أكسره







كنت لك مثل المواني ~ أنطرك
__________ لين طاحت من عيوني الباخره




لا تظن أبكي عليك وأخسرك
__________ إللي مثلك (لازم ) إني أخسره




يا القليل الباقي طاحوا أكثرك !
__________ في بحر - دمع العيون - الطاهره




أبقى أكبر شخص مر بـ ناظرك
__________ وتبقى أصغر<~ من نويت أكبّره




في فراقك ماحزنت آآبشرك :
__________ وكانت الفرحه معاك مسافره !




كيف ألوّح لك وأجبُر خاطرك
__________ وإنت إحساسي مكسّر خاطره




أشكر أعدائي كثير ~ وأشكرك
__________ من سبايبكم .. فقدت الذاكره ..




دارت الدنيا وتبيني [ أذكرك ] !!
__________ شفت منّك خير لأجل أتذكره ؟




إكتب الشطر الأخير بـ دفترك ،
__________ القلوب البيض .. جداً نادره !!!!

مماراق لي ...

أنتقاء مميز الله يعطيك العافيه.

اشكرك للابيات ولاهنت

تسسلم يمناك ويعطيك العافيه على الانتقاء الرااائع
لاعدمناكك

صح لسان شاعرها
و سلم يمينك عالانتقاء الجميل
لا هنت

عاشق نصراوي
يعطيك الف عافيه اختيار مييز
وصح لسان الشاعر ويسلم ناقلها لنا
ننتظر جديدك

اااسعدني مروركم الرااقي

لاخلا ولاعدم